Thu Ciakwa

Gathigiriri

Tondu niwaringa kanua wang'urika na wang'athia ni thina, na no mieu uraikia niundu wa kuhuta na Ngai nia kuhete ugima wa mwiri ngoro ona meciria ko utangiumagara na nia gukurathima

Guitar

Inamiriria maitho maku tirini wirorere mitugo ya gathigiriri ke mihangoini miingi yagucokaniriria muthitho wako hindi ya ngaragu gatikanaconoke

Tiga kunjira nduri tondu kiria winakio giothe ni giake ona ciiga ciaku nowe ukuhete na kiria utari na kio aroiga nyumba yake ina indo nyingi mwire akuonie njira na niegugutongoria

Guitar
Chorus

Mathai na nimukuona niguo Mwathani witu aratwira ringa ringai nimukuhingurirwo uria wothe ucaragia na kio Ngai niamurathimaga uguo niguo mandiko make maroiga

Guitar
Chorus

Kanyoni gatuire gacaragia gia kuria na mukanye wako gatiui kurima ona kana kuhanda na ithui Ngai niatuhete iheo nyingi cia kurutithia wira ithui twi makiria ma tunyoni tuingi

Guitar
Chorus

Twarima migunda iitu kamirathima iigaciara wega makumbi maitu makaigura magetha twariithia mahiu magaciarana muno na makaga murimo biashara citu Ngai agacirathima

Guitar
Chorus

Kondo ka nyeni

Ta uria riua rirathaga na hinya muingi andu magate nguo ni undu wa urugari hwaini rigathua urugari ugathira uguo noguo maisha ma mundu macenjagia akirutwo ririni uyu atwarwo ririni ungi 

Uria woimire kwanyu tiguo we ugacoka woimire na maguru ugathie wikuite

Photocopy

Gikuyu oigire maundu ni ndiganirwo mega na moru maundu ni ndiganirwo kieha giakwa ni kana ni hari undu ingika twage gugatigirwo iundu imwe irekwo, tondu njuguma njega yumaga ikurirwo nyumba iitu ni hari na ugwati nyonete wa mundu akirera nduriri atekumenya ni ciana ciaku na nduciui na itikui

Kurera ni kwihura photocopy maitu kurera ni kwihura photocopy baba akorwo ni wonaga wi mundu wa bata turerere mundu tawe ugatutigira

Mbura yoirite ge thi gakongoya ngari iitu igikwama tukiuma tumiikie itanoimira mutaro ngiigua ndetwo ritwa ngiirwo ona nie ngwamura ndukandige haha ari muthuri mukuru wa itura riitu ngiconokera mbui ngimuoya ngiinukia ngikinya hake thome ndonire kiundu muruwe atitikitwo ni nyina akiinukio

Ndoimire hau ngiyuragia ciuria nyingi ongi cayagira nyina wa mwanake ucio ngimenya ena arume eeri mahana ta igege ekwarira uu uriri na ekuhiuhiria u, thina ni wa murerwo kana ni mureri aya ni atumia na micuba kirafu ciana iri o hau ikinyua soda na igicuha ngari ndioi gukunya ni kwoonio yonirio

Baba wiriga guikaria muruguo thi wiriga gutuarana nake mwarangie umwire arume matikaga uu ka uu akiura ndakanoige ndaikitie mugambo, maitu wiriga ri guikaria mwari guo thi wiriga ri kunyihia hwai nake mwarie umwire hindi yanyu nimwaringaga nguo umwire arume ni arumani emenyerere

Muthuri tondu niwahikiirio ni wiira ona ihinda ria kwaria na ciaana nduonaga o kiria mwana agwitie umwiraga agetie nyina agagikura oi nyina niwe mambo yote nikio muruguo aihuria mindiira mihari tondu ni wa nyina guciara na kurera nyina agithie saluni mari ona muruuwe akiuma kuo ahakitwo rangi na agakindwo

Nikio muruguo egukuruma na akuhure ugeretie kurutira nyina murera tondu hari we ukurageo uhana mugeni uria wonagwo mucie mwaka maita meri wira ti muuru tondu niguo umaga indo na no nginya muciari akahangire ciana no ningi uririkane kurera no gwaku yanaciara mahatha yongithagia tweri

Aragia ciugo thuranire

Kuria gutari ngombe kiugo gituraga utheri gutingioneka ona gathumu kangikuria kindu notaguo bururi uria utari aheani a kirira ena guo maturaga ndumaini ihana ya gikuo 

Aragia ciugo thuranire ciugo iri na umenyo gerekaga ciugo ta mugui wa mundu karao, kungikinya no waria ciugo na ciage mwihoko, kaba ungituma kanua gaku wikirire o kimi

Wona utageirwo matu ni andu ti ati wi wa bata maguthikagiriria niguoo maguthime ukiaria marore kana thiini waku no mone mwihoko menya ni tui kuri arume na maihuria ndua

Ota uria mbura ya kimera irigagirirwo no taguo ciugo cia atongoria itegagirwo matu na andu makaiga mwihoko munene thiini wa cio atongoria niwega kunaagira kanua ithigi

Ta uria ikara ria mwaki rimundagia weru wothe na taguo ciugo njuru ciukiiragia marakara mundu wa miario mihitanu aninithagia andu aingi indi ciugo njarie na uugi ni ikirite uthuro

Mutumuri kanua na mathaara no agatoma gutiika nakuo gutongoragio ni kwinyihia ndeto cia kanua ka mundu ihaana na ndia ndiku indi ndeto njega ihana taa mururu wa uki

Ngai gitira ngoro yakwa na makiria kanua ndukanareke njarie ciugo cinginjonorithia ngoro yakwa reke igituike githima kia umenyo nako kanua gakwa gatuike kaihuri ka uugi

Ndugakue ngoro

Murata ndugakue ngoro niwihokete Ngai, ona kioneki giaikara no gigakinyanira

Mundu utari kindu giake, erirwo ndari ngoro ariyaga na akanyua thina nginya akaririkanwo

Mundu utari kindu giake ndacaguraga wira arutaga wira o uria ona ciana cione gia kuria

Thina ini ti kundu kwega nuu ucio urenda kugerio uuru ndwendwo tiiga ugiuka koguo wiyumiririe

Aici ni mithemba miingi kuuri maiyaga mbia na angi makaiya cioneki wacunga niwa umirio

Ika uria ureka na kio na wina ngoro theru gucagiriria Ngai waku na ndagaguconora

Uria ukwenda kindu kiega nieharirie kwenjera Ngai ahithire icaragio itionagwo ni ithayo

Muiyuro

Wimutaranirie

Mwene mugunda nioimagarire agethe aruti a wira muganda wake akiumagara thaa imwe ya rucini agikora andu akimahe wira gwake

Wimutaranirie ndukamake wimutaranirie ndugetigire irathimoini wimutaranirie ona gwatuka wimutaranirie

Agiceracera ta thaa ithatu agikora angi akimahe wira gwake, na tha thita ona gwi thaa kenda akiandika andu angi mugundaini ucio

Agikora andu angi mena ihoru makimwira ithui tutionete mundu wa gutuhe wira akimandika mugundaini ucio gwi tha ikumi na imwe

Undu uria wa kugegania ni ati othe marihi mao mari o mamwe amaigananirie undu o umwe othe aria a rucini na aria a hwaini

Uguo no taguo Ngai mutumbi niagwete o mundu kirathimo giake aria marathimitwo mbere yaku ni wira mandikirwo kwi rucini

Tiga kuona ta wariganiire ona haria utongoretio ni andu aingi mwene irathimo niagutarite ni thaa ikumi na imwe wiharirie

Ni paulu muhinjia

Ni paulu muhunjia wa uhoro na muira wa kuriuka kwa Jesu, niahunjiirie uhoro uyu mwega maturaini maingi ma nduriri

Akorinithu, galatia, ethesaloma na akolosai, afilipi niahunjirie na akihunjia athesalonike

O kuria guothe paulu athiaga eraga andu murogia na thayu naguo wendani uria wa ithe witu uroikara na inyui hingo ciothe

Nao andu aria othe matari andu akwa acio nio magatuika andu akwa, mutumia uria utuire umenetwo ucio niwe ngeta mwendwa wakwa

Kahiga Kamwe

Ngai wendire Jakubu agithura Esau na amwendeire nda ya nyina ndiui amwendeire ki, niwe waturathimire na agitwamurania na agituhe ritwa ria kurugamaga na rio. Ritwa riari na Daudi gituamba kia hera Goliathu arumite itungati cia uria wi hinya, Ngai wa Daudi akimuonereria kahiiga, gakimuhonokia na gakihonokia andu ao

Ni kahiga kamwe (kamwe) koimite he Ngai ni kahiga koimite karimaini ga kigutha (kahiga) atumia a kwanyu no marikugira ngemi moige uyu niatoretie thina mithemba miingi, athuri a kwanyu no marirurumiria moige uyu ona mwamuona haha ni riumba ria Ngai

Riu takuhiriria twaria tungethaniire ngumenyithie ni kuri njira ituire hithoini, njira itari yonwo nginya ni ritho ria nderi njira iria Ngai akugereria irathimo ciitu. Ninjui niuguoyohete na ugate mwihoko, makumbi ma maturire nimakuinainitiei ndukamake muiyuroini uyu wa mai maingi Ngai wa Jakubu ndarigitwo ni uria eguika

Kwi muthuri wa gwitu woigaga ati no ngacinwo andoraga akona hana kugutha ibeti ciene, amenagira thiina wakwa na gutarukirwo andoraga akarigwo Ngai anginyambiriria ha, ii narikorwo no ariuke ona ngithinjira ii narikorwo no ariuke one ngimahumba ii narikorwo no ariuke one ngithomithia ciana tutaciaraniirwo na tutareraniirwo

Ii nuu wanathinika gukira Jefitha aingatirwo kwao tondu ahikite na nyina riria mbara yehire mathire kumucaria makimwira muriu inuka ugaturuirire, nake akimera akorwo nitukuinuka na inyui tuiguithania ndathii mbara ndimuhotanire mwihite o riu muuge ni nie ndirimwathaga, tuiguithanie mwathagwo ni mwana wa maraya

Riria ngaragu yehire muno samaria andu mahutire atumia mwakiria mwana ngaragu yao yaninirwo na muthenya umwe ruciu ruru rungi marite na magatigia, hindi niiroka wuigue ta wagia na mathagu umbuke ume thina ini uyu na uhituke ungi andu majie kwirana ndiretikia ni ngania mamake na metigire hinya wa witikio

Muthini wa Ngai

Muthini wa ngai aturagio no Ngai tondu ona angiuga kiugo gitirubuyagio, ciugo iria irubuyagio no cia uria uri hinya na hinya wa thino nimui ni mbia

Nimakaga muno riria nguririkana mutumbi atumbire na agituiganania nawe wona wega unenehie amwe kuri angi tondu mena mbia nimuriteithanagia

Ningwenda mumenye inyui mwihokete mbia cira wa Mwathani ndugatuo na ihaki, nawe uhinyagiriria aria matari hinya, mutumbi ari ho we na ndakomaga

Muthini angihitia anyitwo na ihitia atwarwo igotini ndari mumumeteri, wakiri wa muthini no Ngai mumumbi, tondu ndangiona mbia mbia cia wakirir wa thi

Korwo muoyo wa mundu uguragwo na mbia ngwiciria muthini ndangituire muoyo tondu ndangiona mbia cia kugura muoyo no Ngai ni mwega muoyo atuheire tuhu

Giagai na hinya

Riria magerio moka na mbara cia mwiri uyu, Kindeithie gutiraga maitho makwa na iguru.. Tondu ndiriruaga na mwiri na thakame, No ni matharaita mena hinya wa Jehovah. 

Giagai na hinya mwi thiini wa Mwathani ni getha mwitiragie huho cia mucukani x2

Ningi wihumbe gako ga uthingu wa Mwathani, Na wiyohe Ma njohero tuike mucibi,.... Warikia macio mothe kiugo ni kiratwira, Kuhiriria Jehovah ngoma nieguk rira. 

Tondu ithui turuaga na uthamaki wa ngoma, Na hinya na maroho maria mari riera-ini,... Kwoguo nitwiyohei indo ciothe cia mbara, Niguo m thi wa ru woka tukahotana. 

Mwathani Jesu arumwo ndaigana kwirumira, Akirite ta kagondu gagithi g thinjwo,..... Tondu Wee nieyohire itharaita ria wendo, O nginya ag toria magerio ma caitani. 

Aria twetagirira Jehovah Ngai witu, Atweruhagiria hinya tukombuka ta nderi,.... Ona mbara ciaingiha nama tutihotagwo, Tondu twihokete Jehovah Munene wa Ita.

Ihoya rikwa Ngai wakwa thikiriria

Ihoya riakwa Ngai wakwa thikiriria we uri iguru niwe ui thina witu ihoya riakwa tutegere matu maku uthikiririe mathina maria twi namo

Nuu ucio utoi hinya waku Ngai baba wuinainagia thi yothe handu yaruma ihoya riakwa tutegere matu maku uthikiririe mathina maria twi namo

Iguru rimemerekagia riri waku mutamburuko wa matu mairu kuo iguru wonanagia wira mwega wa moko maku ngukuhoya ututeithagie mathina maitu

Danieli aikio thiini wa irima ria miruthi agukaira Ngai we ukimuhonokia na ukihinga miruthi tunua ndiamuriire twakuhoya iguaga mahoya maitu 

Hanah ahoya mwana we niwamuheire Hezekiah ukimuongerera matuku wi  muthingu Ngai ndwamaconorire twakuhoya iguaga mahoya maitu 

Kwaga wira baba witu no mathina bara micie ona macio no mathina na mirimu Ngai wakwa tuhonagie Ngai wakwa ndukanareke njonoke

Undu mweru

Mathiai Mwathani inyui athingu murire murumie kigongona x2

Nindiroka gwika undu mweru nindiroka gwika undu mweru x2

Ngai aiyuirwo ni tha ona wendo ndaga kuigua kiriro kia aria athingu x2

Nduriri ituire imunaga thimo no mutiguconorithio ringi x2

Imera iria ciaritwo ni itono ninie Ngai ndiroka kuriha x2

Miaka iria we utuire utungatite wina wendo niaroka kuriha x2 

Kiria Mwathani ahete

Nie ni nyonete utugi wa magegania Uria mwathani andugite naguo Na nianjiraga kaingi njetagirire Niarindugaga na akandathima 

Kiria mwathani ahete ndacokia ngatho Na kiria itari nakio nonjeterere Mwathani inyonete niutuganaga Naniurihaga aria meterera 

Nyendaga kuhoyaga oo ngiririirie Njetagirire iteguthethuka Nanindikinyagirio maria ndahoya Na ndathie iguru ngaheyo muoyo 

Ndari munini o hindi iria iteyui Ngikura naa mutugo wa nduire Ngicoka ngitugwo na ungi wa kiroho Njugage Jesu niiagiriire 

Ndamenyana na Jesu nindakenire Ngirutwo weega gukiriria Gweterera, wendani, na kwihokeka Cionagwo ni aria menda Mwathani 

Ndiratara irathimo, kimwe gwa kimwe Ngona mwathani niunyendete Nanikio ndigatiga kuuga uri mwega Niwagiriire niwagirire

Mutungi

Mutungi mutheri uri bata no wi mai uri bata makiria mwiri waku naguo wi bata no wina Jesu uri bata makiria

No Jesu ndagagutiga akuoyaga agagukua watingia agakuiyuria waturika agaguthinga x 2

Mutungi uri gitingia wi thina muno gukuika noguo mundu utari na uthingu e thina nginya muikarire 

Mutungi riria waturika ndungiiga mai ihinda inene nake mundu utari na uthingu ndeikara muoyo ihinda inene

Hindi iria uri muoyo umenyage gutiri ungi uhana tawe na gutikoneka ungi tawe umbitwo uri wa magegania

Ni ngwiyaura mirigo yothe miritu

Nduuma yaingiha muno na riua riakane; ona mbura yure o nginya yenje mitaro ndingiitigira ona ningi ndingimaka; ndi mugitire ndiri ugwati ingiona 

Ni ngwiyaura nii, ni ngwiyaura, ni ngwiyaura mirigo yothe miritu ni getha hote gutonya Jerusalemu; ni ngwiyaura mirigo yothe miritu 

Gutiri ungihota gutonya Jerusalemu; e na mirigo mirito no ekuhata iyo igatonywo ni aria oothe matari ucuke; gutiri rihia ona rimwe rigatonya kuo 

Maruo ndanona moothe ndikaririkana; ndakinya iguru kwa Baba ningahuruuka ningaiganira giti-ini kia Muthamaki; ngahuruka nii ndiganirwo ni mathina 

Uhonokio uyu wa Jesu ndungiguurika; na nduguuragwo na mbeca kana thahabu no kuwitikia na kuumbura mehia maku; ugakiaurwo mirigo yothe miritu 

Mwathani athecwo na itimu mbaru-ini ciake; na akiura maai mbaru-ini ona thakame Thakame yothe yoirire mbaru-ini ciake ya gutheragia mehia mothe magathira

Ni inyui mwititwo matuini

Ni inyui mwititwo matuini arata ni inyui mwititwo nigetha mukona muoyo uhoro uyu nimuitire thakame ndukwenda itheru ngarama nindihe.

Uhoro uyu ni uhoro mukuire nama na twathaka naguo twaga kuwikirira uhoro uyu ni uhoro ukuiriirwo na twathaka naguo woi twaga kwirira

Ni inyui mwititwo matuini arata ni inyui mwititwo nigetha mukona muoyo uhoro uyu nimuitire thakame ndukwenda itheru ngarama nindihe.

Ndiri ndona wendo munene ta uyu jesu kwirutira akue niundu wa kirindi wendo ta uyu ungigerekanio naki ni wendo wi hinya muingi kuri gikuo

Ni inyui mwititwo matuini arata ni inyui mwititwo nigetha mukona muoyo uhoro uyu nimuitire thakame ndukwenda itheru ngarama nindihe.

Kwanagia magongona ma mithemba ma mburi na ngombe makuororohia mehia matiri mahota gutheria mehia mothe thakame ya Jesu noyo itheragia

Ni inyui mwititwo matuini arata ni inyui mwititwo nigetha mukona muoyo uhoro uyu nimuitire thakame ndukwenda itheru ngarama nindihe.

Ni thogora wa irathimo

Woona magerio maangĩ magĩũka Ndũkae kuona ngoma Ona ũrĩa ũrahĩtũka magerio mau Ũcooke ũrathimwo Tondũ rũcio Warathimwo nĩ ũkona Thogora wa kĩrathimo gĩaku 

Nĩ thogora wa irathimo Ũrĩa Ngai athogoraga mũndũ Akĩenda kũmũtũũgĩria Ũmagĩrĩria o ta Ayubu Rũcio rwakĩa nĩ ngemi na ndũhiũ Ũriganĩrwo nĩ thĩna 

Njuthagĩrĩria mũrũ wa Ngai Magerio marĩa aagereire O na ndingĩkinyia nuthu, 'quarter' O na ndingĩgereria Ngomĩrĩria Nĩguo ndarĩkia Ngae kĩrĩa gĩothe Niĩ ndũire hoyaga 

Nĩ thogora wa irathimo Ũrĩa Ngai athogoraga mũndũ Akĩenda kũmũtũũgĩria Ũmagĩrĩria o ta Ayubu Rũcio rwakĩa nĩ ngemi na ndũhiũ Ũriganĩrwo nĩ thĩna 

Ndwarĩ wendi wa Ishumaeli Aciarwo nĩ ithe acooke ateyo Na nĩkĩo me werũ-inĩ na nyina Ngai amaheire maaĩ Na thuutha ũcio Nĩ acookire akĩrathima Rũrĩrĩ rwa Ishumaeli ruothe 

Nĩ thogora wa irathimo Ũrĩa Ngai athogoraga mũndũ Akĩenda kũmũtũũgĩria Ũmagĩrĩria o ta Ayubu Rũcio rwakĩa nĩ ngemi na ndũhiũ Ũriganĩrwo nĩ thĩna 

Thogora wa Yusufu Wamũtuire ngombo agĩikio njera Thogora wa Hannah atuire anyũrũragio nĩ mũiruwe Thogora wakwa Tigana naguo reke thogorwo Njooke heyo irathimo 

Nĩ thogora wa irathimo Ũrĩa Ngai athogoraga mũndũ Akĩenda kũmũtũũgĩria Ũmagĩrĩria o ta Ayubu Rũcio rwakĩa nĩ ngemi na ndũhiũ Ũriganĩrwo nĩ thĩna 

Thogora wa Mefiboshethu Akuuĩtwo na ngoi akĩgũa Rĩrĩa aakuĩtwo nĩ 'maidi' Makĩũra agũa akĩonja kũgũrũ Na thuutha ũcio Mũthamaki agĩetha mũndũ nyũmba Oonire Mefiboshethu 

Nĩ thogora wa irathimo Ũrĩa Ngai athogoraga mũndũ Akĩenda kũmũtũũgĩria Ũmagĩrĩria o ta Ayubu Rũcio rwakĩa nĩ ngemi na ndũhiũ Ũriganĩrwo nĩ thĩna 

Andu moraga nikwaga umenyo

Tareke ngumburire wara wa ngoma na mitego imwe iria ategeire mundu nikumuthondekera indo iria thaka thaka imuguciririe araihiririe Ngai. Indo ici ni cia thahabu na cia fetha cia ruru na ruthuku na cia kigera cia muguongo na miti i goro muno na ufumba na dibei na ufani

Andu moraga niundu wa kwaga umenyo njukite niguo nguhe uhoro kiumburo indo imwe cia iria wonaga thaka thaka ni mathaga ma ngoma ciehuge muno

Hari o maguta maria manungi wega na fashoni ciumite rungu rwa iria uguo ndugakenio ni kiro ta nyoni ndugathererio ni kiguo kia riuriro. Andu umuthi matiretigira Ngai marehia makiugaga Mwathani agocwo kuona ati bishop amwe no maratharia wui iyiya ariithi makoraga ngondu

Tathikiriria thiomi iria iri kuo umuthi wicanure tiga kwiyoha na jamu ucoke ucuthiririe wone design cia mihumbire na miejere na ngeithi. Wahota kuona muiritu ari na nguo imunyitite nginya mwiri ugecora ina murehu wihakuhi njohero ahakage meciria ma arume giko

Waganu uria wi kuo no ta wa sodomu atumia aria akuru marenda o tumwana muthuri nake ndaraigua gunyiriri ari na muiritu wa rika ria mwari. Ndukikurana mwanake na muiritu utangithie mbere umone wega muiritu ena mufuto nake mwanake acinite njuiri na mindira matu

Ninjiguaga kieha ngaringwo ni tha ndona mundu waja na mini skirt ehakite rangi miromo na ndwara na akenja mbutu niguo athakathakare. Wenda uthaka wama na wa gutura tatuika muthingu na utuike muhoi tondu he njira ironeka ta ii njega na iyuire nduma na muico no gikuo

shillingi ya nga

Mutuuri muno erirwo ndakiagaga no ungithukuma shilingi ya njamba uliikaraga o ta mundu ugutahwo tondu ingiraga muhuko ikiumaga

Nyandikira ceki yaku Mwathani na wandika uhe shilingi ya nga iria iciaraga maita igana kwa igana ndige gukomba ujaure giconoko

Kuri moragia kai ndarumire u ii kai ndatuikire ngombo ya mbia njukiraga riria mara ateire nyina na iria nyonaga ihutagia moko ithiite

Tegai matu kuona kimera ti kuria ndanathukuma na ngeyona na mbia thutha wa ihinda ndikoragwo ona ndururu ona ndamioha igatua nyororo ikora

Wathie wiraini umenye waingira githaka kuhita mbia ugietha shilingi ya nga riria ukamiona gutiri utakamenya tondu ugaikara ta mundu muracirie

Utuire wira na no ukombaga andu tondu uthukumaga shlilingi ya njamba wira wayo nikuingira ikiumaga riria waciona uigayaga igathira

Turi ahe rutha kuhoya kiria tukwenda watua kuhoya menya ndukehingice wahoya mbia menya ndugetia ya njamba uhane mundu uthukumagira ruiini

Ngai wandika ceki gutiri ungikaja na ceki yaku Mwathani ndirugaga wahe shilingi uhe iria itari kieha undathime wigocithie na nie Ngai

Jesus ningwendete wikindu giakwa

Jesus ningwendete wikindu giakwa uhoro wa mehia niwaninire muhonokia wakwa ukihonokia nariu ningukwenda gukira mbere.

Jesu wii mwendani Ngai gutiri mwendani gukira uyu. 

Niwathecererwo Muti iguru, thakame igiitika matihio-ini ngubia ya miigwa niwekirirwo name riu ni ngukwenda gukira mbere 

Ngoro iyuritwo ni Wendo Mwingi tondu niwambire kunyenda mbere. Ugitwo thakame niundu wakwenda. Na riu ni ngukwenda gukira mbere. 

Tukaria na jesu twakinya iguru na gikeno Kingi gitagathira ngarutirwo thumbi njikirwo mutwe name riu ningukwenda gukira mbere. 

Ingitura muyo onakana Ngue no ndirikwendaga nandigatiga gikuu gigathira tutigwo nawe na riu ni ngukwenda gukira mbere.

We wi wa bata

Meciriaini ma Ngai mubangoini wa Ngai kou nikuo kwari gituro giitu tutioiio tukoima kuu ti mokoini ma mundu ti baba na ti maitu mathugundire uria nie nguka thi ndathondeketwo tene

We wi mundu wa bata nie ndi mundu wa bata ni ithui twatumire thino yumbwo na indo iria ikoragwo kuo, ni ciitu tuciathage ni ciitu itukenagie tondu ni maita igana guku thi na matuini kwi muoyo

Werire Jeremiah ndakui utanaciarwo ngiguthura na ngikwamurira wira uria ukarutaga, we ndwokire na hitho nduri mundu kiriga meciriaini ma Ngai wa Jakubu girafu yaku ninjore

We wi mundu wa bata nie ndi mundu wa bata ni ithui twatumire thino yumbwo na indo iria ikoragwo kuo, ni ciitu tuciathage ni ciitu itukenagie tondu ni maita igana guku thi na matuini kwi muoyo

Ninjui niugeragia niwirutanagiria kwi hindi wikoraga handu maithori magaitika, umiriria he njira kiriria o hanini magerio mageragio andu aria atuite ciana ciake

We wi mundu wa bata nie ndi mundu wa bata ni ithui twatumire thino yumbwo na indo iria ikoragwo kuo, ni ciitu tuciathage ni ciitu itukenagie tondu ni maita igana guku thi na matuini kwi muoyo

Jesu akiariria arutwo uhoro wa gutonga amerire ambai mumathe uthamaki wa Ngai uria gwikagwo iguru wikike ona guku thi Ngai ndehingicaga utonga witu ni wuigitwo muhoi indo

We wi mundu wa bata nie ndi mundu wa bata ni ithui twatumire thino yumbwo na indo iria ikoragwo kuo, ni ciitu tuciathage ni ciitu itukenagie tondu ni maita igana guku thi na matuini kwi muoyo

Ni roho wa kwiyenda ona kwiiguira tha ugiragia mundu ahuguke thutha one kuria arutitwo uhoro wa gutura kiria giguturagia ni ithabu Ngai ekire na akirikia amba uge ni wega

We wi mundu wa bata nie ndi mundu wa bata ni ithui twatumire thino yumbwo na indo iria ikoragwo kuo, ni ciitu tuciathage ni ciitu itukenagie tondu ni maita igana guku thi na matuini kwi muoyo

Miaramano

Uria uhithitwo uhithoini wa Ngai uria wi ihuru ucio utuite Murungu dumba ya ihiga akehitha ho ucio utuite Ngai ihonokero maya nimo maundu maria Ngai wake amwiriire

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Rungu rwa mathagu makwa niho ndirimuhithaga uhoro wakwa uture uri ngo yake umugitagire angikagua ndikareka oinike ndikarekereria muoyo wake urire kwa ngoma

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Ndagetigira itefefia  riria ringiuka na utuku  kana mutimo uria ukoragirira mundu miaraho nie ninie ngatuika Ngai wake nake atuika wakwa ndimukumagire andu a kiunuhu

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Gukua ndegukua ni ngumuturia o nginya akaigania niguo ature akumagi mawiko makwa ma uuhoti no ona angigakura age megutha nongamuonagira gia kuri nduimuturie na thayu

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Nao aria aganu magwata kuheo magai mao ucio muthingu no kumerorera akamerorera makiguo nao ni ngaragu ucio muthingu no gukena ni kuhunio ni Ngai

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Ota muti uria uhanditwo hugururuini cia rui ota mutarakwa uria wa Lebanoni kurungara niguo mundu muthingu agaikara ona e mukuru no agaciaraga maciaro me cama

Kuona nianyititie wendo hari nie na nie ngamwenda undu cio wika tu niuritumaga ndimuhonokie ari ngayagira ngamwitika agua hatikaini ni ndi mwonagira miaramano

Gicokaini

Nie na nawe twi ndugu na ningwendete no ti ta uria wi unyendete baba nindithahagia na ngagukararia na tha ciaku itiri ciajeherera, hau niho menyagira wi Ngai we utuanagira wuiyuirwo ni tha aria wendete umaheyaga thayu thu ciaku ugacituira itua ria ruo

Wi wagwitigirwo na gwikirirwo mutui cira wothe na kihoto gicokaini giaku muriithi mwega nihari utethio wa aria ahinyiririe

Itua riaku ni ria ma na kihoto ndungituira mundu ni kumumena mutiri kindu mugucanagiria ni mundu uturaga ni tondu waku gwaku miaka nditaraga mahinda miaka yaku ti mitare Mwathani nie ninie nduraga tondu niurenda nduri watura tondu nindirenda 

Riua ringiara ritingiara gwaku mbura onengiura ndiri yaura gwaku tondu nduhandaga na ndugethaga we niwe uturagia indo ciothe muoyo mundu nitaki mugiane nake no ungieheria hinya waku niathira hinya wa kuria na kunyua ni waku we uguturia ngumo tene na tene

We utumaga nyamu cia weru iciare itateithiriirio ni mundu ona umwe we gutari kwagia Ngai ungi tawe reke ngumenye gukira uria ngui we unjikaragia ndahinga ritho na gwathera ukanjitikiria nyone we utandehire thino na mahitia amukira rwimbo ruru rwa ugooci

Thi Ngeni

Hari undu njui na ma na ti itheru Wendo ni kindu ki magegania Wendo ni dawa iria ihonanagia Wendo ni cindano ya muturire Twinawe kwi hindi undakaragia Hindi iyo ngaigua ta ingigera ngero Thutha wa ihindi mami ukahoreria ngoro ona ndimenyaga ngirakaruka 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Ti mirimu yothe yendaga ndawa Ti thina woothe wendaga ndagitari wendo ni murimu uthondekaga ungi Wendo ni cindano ya muturire Wendo ni riria gikena kia mukwendi Giukaga mbere ya gikeno giaku No utige giaku wambe ugethe giake Wendo ni kumenyanirira ngoro 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Wendo wa ma niguo utemaga njira wendo wa ma urakaragia kinya aciari Wendo ugakwerekeria kuria ukwenda Gukumenya ni kihenyo kia mwanya Gukwenda ni kiroto kiri cama Nonyendete gutura kiroto ini giki Ndikanokire toro ngore tiguo 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Thi ino yothe mundu angigimara ethaga mundu mangihotana maturanie Mundu ungimuciarira Ithe na Nyina Arihe thire tondu niaciarirwo No nie ndakuoa ndonire rubaru nigetha uturo wakwa ukamirike Twacemania ndacemanirie na mundu Itangihota gukura itari nake 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Riu rora ciara ciakwa cia moko Itinyitanite ni itiganite na itiganite nigetha ciara ciaku Ciatamburuka cione ha kuingira Tondu ndwombirwo uture uri wiki Nanie ndiombirwo ndure ndi nyika Nengera guoko na wamukire gwakwa Na akorwo wina gicuhi njikira 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Riu rora ciara ciakwa cia moko Itinyitanite ni itiganite na itiganite nigetha ciara ciaku Ciatamburuka cione ha kuingira Tondu ndwombirwo uture uri wiki Nanie ndiombirwo ndure ndi nyika Nengera guoko na wamukire gwakwa Na akorwo wina gicuhi njikira 

Ningenaga muno riria turi nawe Ningenaga muno twendanite nawe Undu ucio undwaraga thi ng’eni thi ng'eni thi ya wendo mutheri 

Ndikwendere ni uria uhana

Hinya wa wendo ni ugwati, gutiri mundu ungiwitiria Hindi iria ndi hakuhi nawe, utumaga ndirigairwo Ni ngaiganira wendoini waku, na ngamukagiria oo ta rwimbo 

Ndikwendete ni uria uhana Ngwendete ni kiria nduikaga turi nawe Ngai atuheire moko meri, agituhe maguru meri Ona maitho agituhe meri, ona matu agituhe meri No ngoro Ngai atuheire imwe, uheage mundu uria wendete Ngoro ino, Ndingimigayania maita meri Ndikwendete ni uria uhana (mwendwa) Ngwendete ni kiria nduikaga turi nawe Ngwendete (mwendwa) nikiria nduikaga turi nawe 

Wendo niukuragio ni mahinda, geria kunyonagira mahinda Ndi hakuhi nawe niutumaga ngoro yakwa iyurwo ni thayu Thabari ici nguria igathira ri, ngoro imenyane na imenyerane 

Ndikwendete ni uria uhana Ngwendete ni kiria nduikaga turi nawe Ngai atuheire moko meri, agituhe maguru meri Ona maitho agituhe meri, ona matu agituhe meri No ngoro Ngai atuheire imwe, uheage mundu uria wendete Ngoro ino, Ndingimigayania maita meri Ndikwendete ni uria uhana (mwendwa) Ngwendete ni kiria nduikaga turi nawe Ngwendete (mwendwa) nikiria nduikaga turi nawe 

Ndi mugima ni njui uria thuire, ndi mugima ni njui uria nyenda Ngoro ino yakwa nindimiui muno niingimienjera irima ni yakwa Itikira tukuranie nanie, tukinyire gikeno kia wendo 

Ndikwendete ni uria uhana Ngwendete ni kiria nduikaga turi nawe Ngai atuheire moko meri, agituhe maguru meri Ona maitho agituhe meri, ona matu agituhe meri No ngoro Ngai atuheire imwe, uheage mundu uria wendete Ngoro ino, Ndingimigayania maita meri Ndikwendete ni uria uhana (mwendwa) Ngwendete ni kiria nduikaga turi nawe Ngwendete (mwendwa) nikiria nduikaga turi nawe 

Ungiona kindu kireririro, nigicaritio ni aingi gikaga Na hindi iria gi guoko ini gwaku wega waku niukimenyerere Thi ino gutiri ruo ta kuigua, mundu uria wendete niendete ungi 

Ndikwendete ni uria uhana Ngwendete ni kiria nduikaga turi nawe Ngai atuheire moko meri, agituhe maguru meri Ona maitho agituhe meri, ona matu agituhe meri No ngoro Ngai atuheire imwe, uheage mundu uria wendete Ngoro ino, Ndingimigayania maita meri Ndikwendete ni uria uhana (mwendwa) Ngwendete ni kiria nduikaga turi nawe Ngwendete (mwendwa) nikiria nduikaga turi nawe 

Maciaro ma wendo wa ma meho wendo utatindaga ukigia irema Wendo utatindaga ugiicirirwo irema ciaguo ni hitho yanyu Ngai mwene riri na gitiyo, niaiganagira wendo ini ta ucio 

Ndikwendete ni uria uhana Ngwendete ni kiria nduikaga turi nawe Ngai atuheire moko meri, agituhe maguru meri Ona maitho agituhe meri, ona matu agituhe meri No ngoro Ngai atuheire imwe, uheage mundu uria wendete Ngoro ino, Ndingimigayania maita meri Ndikwendete ni uria uhana (mwendwa) Ngwendete ni kiria nduikaga turi nawe Ngwendete (mwendwa) nikiria nduikaga turi nawe 

Irai mbwe

Riria mundu arathimwo no neka niehanda mbwe niitumanaga na ikoria ukinyitie ha o riri wehariria niguo uthie na mbere ukanyita ndumiriri mbwe niiragucaria

Rimwe Mwathi Jesu akihunjiria andu othe andu ao magituma ario a nyina mamwire herode niaramwetha niguo amuragithie, Jesu aiyuirwo ni roho amerire ciugo ici

Thii mwiri mbwe iyo ndi o guku nginya rucio, ona matuku atatu na ndingienyenyeka gutiramakania caitani atumana atia thie mwire mbwe iyo guku ndiroima narua

Tunyitirei mbwe iyo na tufwe tunini tondu mithabibu niitumurite kiro na nituo tuthukagia mithabibu iitu, tunyitirei mbwe iyo na tufwe tunini

Mbwe ituire ihuthagirwo maunduini moru, samsoni aciohire ithie igacine ngano ikiohanio igiri igiri ciothe mitingoe ikiunuha migunda mbwe magana matatu

Thii mwiri mbwe iyo ndi o guku nginya rucio, ona matuku atatu na ndingienyenyeka gutiramakania caitani atumana atia thie mwire mbwe iyo guku ndiroima narua

Mwonaga munyumbi ii kai andiganiirie mukiona tahoyaga na ndione macokio, mukiona ta hoyaga Ngai utari muoyo no mbura iri irio andu aitu ndihiuhaga kura

Ndiri hinya no ningwihoka uria uri hinya no ndikehugura ta muka uria wa loti ngutura ona witikio no ndie na giciko ino mbu mwana witu no igatuika ngemi

Thii mwiri mbwe iyo ndi o guku nginya rucio, ona matuku atatu na ndingienyenyeka gutiramakania caitani atumana atia thie mwire mbwe iyo guku ndiroima narua

Ndugacoke kwirathira o maundu moru tigaga kuuga ati ndungigia ona ndungiona ciugo iria ciaragio ni kanua niiri hinya ona thayu no irihi gutonga to mbeca

Riria urahata nyumba yaku na mahato mirathire no umire no umuthi uramihata ruciu umikoroge na umithambie na ragi ucoke umiare mugeka tondu Ngai e muoyo

Thii mwiri mbwe iyo ndi o guku nginya rucio, ona matuku atatu na ndingienyenyeka gutiramakania caitani atumana atia thie mwire mbwe iyo guku ndiroima narua

Nonguikia cumbi riko ciage gwa kugera mbwe ici ngi ngiriri igithethaga andu aitu ndikahahuka ringi ndaigua niirajetha icio no mbwe iraria igua ndingiguagua

Kuuma tene mbwe ciaturaga ithethaga andu na ingiagambire itura ukaigua nigwakuo thakame ya Jesu ikieheria kieha gwitu Jesu agituhonokia thie uciire turi o kuo

Thii mwiri mbwe iyo ndi o guku nginya rucio, ona matuku atatu na ndingienyenyeka gutiramakania caitani atumana atia thie mwire mbwe iyo guku ndiroima narua

Mwendia wa matumbi

Nuu ucio wi nyumba ya nyeki, mundu wi nyumba ya ruthiru, ungiakia mwaki njaa githaku kia nyumba ciana iri toro no oimagare

Mwendia wa matumbi mwendia wa matumbi wirore, ona ungicogothwo geria kuhorera tu niguo tondu ungianjia mbara matumbi maku mahuthirwo ta mahiga wahara

Mundu  uyu niwe muthukumi ni mucaria utahurukaga ruguru itherero ndari handu atari gatukaa wega niahorere kawira gake gatigacinwo acoke nathari

Huko ituire iriyagira thii ne uhanaga mbere ya arimi ugi ti gukiga kwigita ti guoya wanyina, kigio kia irimu hathara ya iguta ndikwenda nie ndimwimathiri

Gatu keriga kuhituka, gatigire aigana mahara niagana monjire ni undu wa mundu umwe wanyina, ndikuonja ni mundu ndiguthina ni undu wa mundu hangaga ndio wika

Ruo rutiguanagirwo thina waku ndungithinia ungi werwo muthie mbara amba urie uguteithika atia ndukae guthina na ugathinia ciana mbara ndiri mwago wanyina

Korwo kumenya

Kuri maundu mangitagira hinya na makandua nda muno uria maundu magarurukanaga na magacenjia o rimwe muturire urari mwega ukarituha ndeto igacenjia kiria kiraguthekagia gigakuriragia

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Korwo kumenya gwatongoria kurigwo ndungikaigua merirwa mucie uria urona haria mucie uria urona ta wimutiganirie niwa muthuri wari na kio muno akihingicwo ni andu aria mamwendeirie riu ni mukombori 

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Korwo kumenya gwatongoria kurigwo ndungikaigua merirwa kari andu aigana marariha maloni biashara cia harire andu a wira mamuriire tau tau na amwe nia andu ao na ati amarutite giicagi nikumehoka

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Korwo kumenya gwatongoria kurigwo ndungikaigua merirwa mutumia uria orona na ciana ithatu na kangi ke nyondoini araingatirwo ni andu ao muthuri akua arerira akoria ndahikite kwa andu mahana nyamu niki

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Korwo kumenya gwatongoria kurigwo ndungikaigua merirwa uyu mwanake araruga akeguithia thi nigutara hathara eritwo niandu rugama tuguthure mamuikirie iguru makimweherera agiatuka ta irenge

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Korwo kumenya gwatongoria kurigwo ndungikaigua merirwa mbirira iria urona ni ya mutumia na ciana ciake igiri, mathinjirwo ni muthuriwe ta mburi na no kuri hindi moimanaga thutha magitanaga babi

Korwo kumenya gwatongoria kurigwo ndungikaigua merirwa, korwo kumenya gwatongoria kurigwo maica no magie cama korwo kumenya gwatongoria kurigwo maica no magie cama

Ii Ngai tondu we tu nowe umenyaga uria thutha gugaikara niwaregire biu kuhithuriria mundu hitho cia ruciu ndahoya gukiagira ona gugithuka heyaga hinya wa kwambiriria ringi ona guthie na mbere