Ciiraniro - Sarah K

Ciiraniro cia Ngai, Ni ii na Ameni.. Ni ii na Ameni, Ni ii na Ameni Ciiraniro cia Ngai, Ni ii na Ameni.. Ni ii na Ameni, Ni ii na Ameni

Oigite wona twamwenda Na ningi tumwathikire Twiriaga indo iria njega cii thi, Ni ii na Ameni Oigite wona twamwenda Na ningi tumwathikire Twiriaga indo iria njega cii thi, Ni ii na Ameni

Climax

Wona twatuika ehokeku Oigite egutwambararia, Iguru ria nduriri ciothe Na twigwatire irathimo Wona twatuika ehokeku Oigite egutwambararia, Iguru ria nduriri ciothe Na twigwatire irathimo

Climax x2

Oigite wona twamwihoka, Niegutweruhiria hinya, Turiumbukaga ta nderi Twithiaga na tutinoge. Oigite wona twamwihoka, Niegutweruhiria hinya, Turiumbukaga ta nderi Twithiaga na tutinoge.

Climax

Twahingia maathani make Egututua aake kuna Na atume andu oothe mamenye Turi andu athure na arathime Twahingia maathani make Egututua aake kuna Na atume andu oothe mamenye Turi andu athure na arathime

Munyoneri kuraya BT 122

Mutamburukoini a andu ùakiri maingi Ihi ritho riaku ngai ni riranyona Muthukumi uikaire gatagatiini ka miaka Ihi ngoro ya ngai ijiciragia atia Gwitungumania gwakwa ihi nogukiote Gugatuma ruciu rwakwa rukagirira Ihi ngai niui aria nii ngoimirira
Ihi ritho riaku norinyonere ruciu

Ngwitaga kioni wakwa unyonagira kuraihu We ucuthagiriria ruciu urugamite umuthi Gicuthiririe ruciu rwakwa uria rutarii Ruthakarie ota maua ma weruiini

Nderi iria yonaga kuraihu ndiri ya hota Kwiyonera ruciu ruayo uria rutarii Kana yone aria rwiga ruayo rukihithituo Irio ciayo kana kiria ikaria ruciu Muruthi uria mucangacangi nduri wamenya Njira yaguo ya kwiyonera munyaka ikiri ha Uguo noguo uhithite ndingiona ruciu rwakwa Mwiyoneri ukinyonere ruciu rwaka

Ngwitaga kioni wakwa unyonagira kuraihu We ucuthagiriria ruciu urugamite umuthi Gicuthiririe ruciu rwakwa uria rutarii Ruthakarie ota maua ma weruiini

Witikio wakwa ni munini tondu ukinyite Oro aria maitho magikinyitie hinya Ndiui waira ndiui wa ruciu tondu tirwakwa Itikira ruciu rwakwa rukagirira Werire iburahimu oime kuria aciariiruo Ukamuonie bururi uria agatheremera Onanii kuria ngoimirira we niwe ui Jehovah we mwoni guothe nyonera ruciu rwakwa

Ngwitaga kioni wakwa unyonagira kuraihu We ucuthagiriria ruciu urugamite umuthi Gicuthiririe ruciu rwakwa uria rutarii Ruthakarie ota maua ma weruiini

Mundu guthina niakiraguo nitoyu mutahe Na mutongu akeruo notauyu muraciirie Kuringanaga na aria ruciu rwaku rukigiituo Tuonie gacira tukoimirira kundu kwega Jusufu niendirio misiri agatwike ngombo
Matiamenyaga ati ruciu rwake nikuo rwaigituo Kuri manabiriria wega makarikia uuru Tumiririe aria riciu ruthakariire

Ngwitaga kioni wakwa unyonagira kuraihu We ucuthagiriria ruciu urugamite umuthi Gicuthiririe ruciu rwakwa uria rutarii Ruthakarie ota maua ma weruiini 

Emmanueli mwiki wa maya

Weeh emanueli mwiki wa maya Gutiri kirima kingikugitira hinya wi Ngai
Mwikirani hinya muhonania Gutiri kirima kingikugitira hinya wi Ngai
Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi
Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi


Warahukaga ukanduirira Gutiri kirima kingikugitira hinya wi Ngai Ngikinya muico weeh ndukinyaga
Gutiri kirima kingikugitira hinya wi Ngai Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi


3,Ingigua unjoyaga na wendo Gutiri kirima kingikugitira hinya wi Ngai Nderereka niundugamagia
Gutiri kirima kingikugitira hinya wi Ngai Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi

Niundu uriku muritu hari wee Gutiri kirima kingikugitira hinya wi Ngai Thiina wakwa nitaki hari wee
Gutiri kirima kingikugitira hinya wi Ngai Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi

Na ti itheru wi muheani Gutiri kirima kingikugitira hinya wi Ngai Njamba ya ita nirio ritwa riaku Gutiri kirima kingikugitira hinya wi Ngai Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi

Weeh emanueli mwiki wa maya Gutiri kirima kingikugitira hinya wi Ngai Mwikirani hinya muhonania
Gutiri kirima kingikugitira hinya wi Ngai Kiara giaku niki nguithagiria Thu ciakwa ikamomoka mwena uyu ngiri na uyu ngiri ikumi Guoko gwaku kundindikagira Thu ciakwa ikamomoka mwena uyu ngiri na uyu ngiri ikumi

Jesu niwe hitho

Matukuini mothe ma muoyo wakwa maria ngutura thiino Matukuini mothe ma muoyo wakwa maria ngutura thiino Wega na utugi nindicionaga ciumanite kuri we Wega na utugi nindicionaga ciumanite kuri we Gitumi nie ni menyete, ati we wi hitho Gitumi nie ni menyete wega ati we wi hitho Jesu niwe hitho yakwa, Jesu niwe hitho, ooh, Jesu niwe hitho yakwa Jesu niwe hithooo, yakwa.

Jesu niweeee hitho, Jesu niwe hitho, Jesu niweeee hitho, Jesu niwe hitho, Jesu niwe hitho, (ooh),
Jesu niwe hitho (Jesu), Jesu niwe hitho (yakwa), Jesu niwe hitho yakwa

Hindi-iria magerio maingiha ona mitangiko Hindi-iria magerio maingiha ona mitangiko Ndigiritanagia hari we baba tondu ningwihokete Indo ciothe iria ituriirwo thi-ino nie ndigachihuthira Oriheyaga indo cia goro ituritwo na hitho Oriheyaga ingi cia mbara ituritwo na hitho Gitumi nie ni menyete, ati nowe hitho Gitumi nie ni menyete wega ati nowe hitho Jesu niwe hitho yakwa, Jesu niwe hitho, Jesu niwe hitho yakwa Jesu niwe hithooo, yakwa.

Jesu niweeee hitho, Jesu niwe hitho, Jesu niweeee hitho, Jesu niwe hitho, Jesu niwe hitho, (ooh), Jesu niwe hitho (Jesu), Jesu niwe hitho (yakwa), Jesu niwe hitho yakwa

Iguru ria mitunda yaku baba ukindutira uhonania Iguru ria mitunda yaku baba ukindutira uhonania Ona mirimu yaitwo thi no-nyonaga o-wega waku Ona mirimu yaitwo thi no-nyonaga o-wega waku Gitumi nie nimenyete, honagira hithoini Gitumi nie nimenyete wega honagira hithoini Jesu niwe hitho yakwa, Jesu niwe hitho, ooh, Jesu niwe hitho yakwa Jesu niwe hithooo, yakwa.

Jesu niweeee hitho, Jesu niwe hitho, Jesu niweeee hitho, Jesu niwe hitho, Jesu niwe hitho, (ooh), Jesu niwe hitho (Jesu), Jesu niwe hitho (yakwa), Jesu niwe hitho yakwa

Ndirira githithi

Ngai ndũkahithe ũthiũ waku He ngombo ĩno ĩgĩgũkaĩra Ihoya rĩakwa no rĩmwe tu Ngai-ĩ Ndirĩra gĩthithi ũkenete

Ndirĩra gĩthithi ũkenete Ndirĩra gĩthithi ũkenete Ũcanjamũre ngoro yakwa Ngai-ĩ Ndirĩra gĩthithi ũkenete

Hanah aabatairio nĩwe mũno Kũrĩ ũrĩa aabatairio nĩ mũndũ Wee wamũtirĩra gĩthithi Ngai-ĩ Wamũheire mwana Samweli

Ndirĩra gĩthithi ũkenete Ndirĩra gĩthithi ũkenete Ũcanjamũre ngoro yakwa Ngai-ĩ Ndirĩra gĩthithi ũkenete

Watirĩra Sarah gĩthithi Ndwatindĩrĩire ũkũrũ wake Wamũheire mwana Isaaka Ngai-ĩ Ũkĩmwarahũrĩra mĩtheko

Ndirĩra gĩthithi ũkenete Ndirĩra gĩthithi ũkenete Ũcanjamũre ngoro yakwa Ngai-ĩ Ndirĩra gĩthithi ũkenete

Baba ndora na ritho rĩa tha Na wanyona ũnjiguĩre tha Warie ciugo cia tha ingoniĩ Ngai-ĩ Ũcooke ũnjĩke ciĩko cia tha

Ndirĩra gĩthithi ũkenete Ndirĩra gĩthithi ũkenete Ũcanjamũre ngoro yakwa Ngai-ĩ Ndirĩra gĩthithi ũkenete

Ũguo nĩguo Ngai ndahoya Ndũkarore mahĩtia makwa Na ndũkandĩhie ũũru wakwa Ngai-ĩ
Tũũra ũndirĩire gĩthithi

Ndirĩra gĩthithi ũkenete Ndirĩra gĩthithi ũkenete Ũcanjamũre ngoro yakwa Ngai-ĩ Ndirĩra gĩthithi ũkenete

Undu ucio

Nĩ thomaga mandĩko Ngagegio nĩ Jehova Ndona maũndũ ekaga O kuuma kĩambĩrĩria Ngatĩa ũnene wake Kũrĩ maũndũ mothe Marĩa menenehagia Gũkĩra ũmenyo wake

Ũndũ ũcio nĩ mũhũthũ Mũno he Ngai witũ Kania ngoro kũinama Ũrekererie Ngai Ũndũ ũcio nĩ mũhũthũ Mũno he Ngai witũ Ngai aneka manene Ũndũ ũcio nĩ mũhũthũ

Athamaki wa keerĩ I’thatũ ikũmi na inyanya Mbũtũ ya Isiraĩri Meerekeire mbaara-inĩ Ngai akĩmahe maaĩ Ona atekuria mbura A’kĩmaninĩra nyota Na a’kĩmahootanĩra

Ũndũ ũcio nĩ mũhũthũ Mũno he Ngai witũ Kania ngoro kũinama Ũrekererie Ngai Ũndũ ũcio nĩ mũhũthũ Mũno he Ngai witũ Ngai aneka manene Ũndũ ũcio nĩ mũhũthũ

Isaiah akĩrathĩra Ndungata ya Jehova Nĩ ũndũ mũnyinyi mũno Ngai gũkũhũthĩra Ũhonokie jakubu Na rũciaro rwake tu Ngagũtua ũtheri mũingĩ Ũhonokie thĩ yothe

Ũndũ ũcio nĩ mũhũthũ Mũno he Ngai witũ Kania ngoro kũinama Ũrekererie Ngai Ũndũ ũcio nĩ mũhũthũ Mũno he Ngai witũ Ngai aneka manene Ũndũ ũcio nĩ mũhũthũ

Ngai nĩ oiragia mbura O na gũtarĩ matu Nowe mũtumi njĩra Gatagatĩ ka iria Nĩ maũndũ marĩkũ Ũtangĩmwĩhokera Macio matũremagaHarĩ we nĩ mahũthũ

Ũndũ ũcio nĩ mũhũthũ Mũno he Ngai witũ Kania ngoro kũinama Ũrekererie Ngai Ũndũ ũcio nĩ mũhũthũ Mũno he Ngai witũ Ngai aneka manene Ũndũ ũcio nĩ mũhũthũ

Daudi na Afilisti

Afilisiti rĩrĩa mamenyire Daudi nĩ aitĩrĩirio maguta Athamakĩre Isiraeli-ĩ Makĩambata makamũcarie

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Daudi athiĩ gũtuĩria ũhoro Kwĩ Jehova, amwĩrire ambata Ndirĩ hingo itarĩneana Afilisiti moko-inĩ maku

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Macemania Baali Perazimu Aahũraga Afilisiti akiuga Jehova nĩ ahehenjangĩte Thũ ciakwa irĩ o mbere yakwa

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Maacoka rĩngĩ amwĩrire Ikũrũka ũmathiũrũrũke Ũmakore ũmarutie kũrĩa Kũng’etheire mĩkũngũgũ-inĩ

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Rĩrĩa ũrĩigua makĩrumia thĩ Mĩkũngũgũ-inĩ warahũke A’mu Jehova arĩ mwena waku-ĩ A’kahũũre ita rĩa Afilisiti

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Ti ũcamba wa andũ makaraũ Na hinya wao ũkahootana Ni hinya wa roho wa Ngai-ĩ Ũthengagia irĩma cietũũgĩria

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Rĩtwa rĩa Jehova nĩ nyũmba Ya hinya njake mũthiringo Nĩ kuo atheru aake moragĩra Makahonokia mĩoyo yao

Daudi nĩ aamenyete hitho Ti mbũtũ ya ita na mbarathi O na kana mũtĩ wa mbara-ĩ Ũhootani uumaga kwĩ Ngai

Kwina rui rwa thakame

Kwĩna rũũi rwa thakame, Ya Imanueli Mwene, Nao ehia marikĩtio ruo, Mathiraga gĩko biũ! Magathira gĩko gĩothe; Magathira gĩko gĩothe biũ! Nao ehia marikĩtio ruo, Mathiraga gĩko biũ!

Mũici waambanĩirio na Jesũ, Nĩakenire nĩ thakame ĩo; O na niĩ ndagiũka kũrĩ we, Yahota gũtheria cua! Yahota gũtheria guothe; Yahota gũtheria guothe cua! O niĩ ndagiũka kũrĩ we, Yahota gũtheria cua!

Kuuma ndaruona rũũĩ rũu, Rũkiuma nguraro cia Jesũ; Ndũire ngumagia wendo wake; Ndigatiga o na ndakua. Rũĩmbo rũakwa no rũa Jesũ; Rũĩmbo rũakwa no rũa Jesũ rĩu; Ndũire ngumagia wendo wake; Ndigatiga o na ndakua.

Ndarĩkia gũkua ngainaga, Rũĩmbo rũega mũno kwĩ rũrũ; Rũrĩmĩ rũrũ rũgakira; Ngamũinĩra igũrũ. Ngainĩra Jesũ wega; Ndĩmũinagĩre Jesu wega ma; Rũrĩmĩ rũrũ rũgakira, Ndimuinire igũrũ.

Kwĩna rũũi rwa thakame, Ya Imanueli Mwene, Nao ehia marikĩtio ruo, Mathiraga gĩko biũ! Magathira gĩko gĩothe; Magathira gĩko gĩothe biũ! Nao ehia marikĩtio ruo, Mathiraga gĩko biũ!

Kindu kiega no thakame

Kindu kiega no thakame, iria ya Jesu Yaitiirwo andu aganu, gwata nii mwene.

Kai gutiri kindu kiega, ta thakame iyo Ninguiyukia ngoro ini, therio niyo riu

No thakame ina bata, iyo ya mukuri Noyoo ingituma hone thiinii wa ngoro

Kai gutiri kindu kiega, ta thakame iyo Ninguiyukia ngoro ini, therio niyo riu

Thiri wakwa ni murihe na thakame iyo riu ndahota kuoherwo, mehia mothe biu

Kai gutiri kindu kiega, ta thakame iyo Ninguiyukia ngoro ini, therio niyo riu

Tondu wa thakame iyo, ningugia hinya Thu cia ngoro nianjihira, ningucihota

Kai gutiri kindu kiega, ta thakame iyo Ninguiyukia ngoro ini, therio niyo riu

Kai thakame ya uiguano nii ingenetie ma Nitugathe Jesu muno na ngoro ciitu

Kai gutiri kindu kiega, ta thakame iyo Ninguiyukia ngoro ini, therio niyo riu

Guoko kwa Jehova

Aisreali rĩrĩa maakinyire Rũĩ Jorodani na maaringa Ngai akĩĩra Joshũa oya ihiga Ũrĩhande rũĩ gatagatĩ Nacio ciana cianyu ingĩkamũũria Kĩrĩa gĩatũmire mũrĩhande Mũgaciĩra nĩ kĩririkano Kĩa ũrĩa mwakũũrirwo ũkombo-inĩ

Guoko kwa Jehovah kwĩ wĩra-inĩ Maũndũ mothe marũgamaga Huho na makũmbĩ ikarũgama Ciathĩkĩre guoko kwa Ngai

Nacio ciana cianyu ingĩkamũũria Mũgaciĩra hĩndĩ ĩrĩa mwaumaga Misiri nĩ kwarĩ na thũ nyingĩ Ciamumaga thutha njĩra-inĩ Ĩndĩ guoko kũrĩa kwa Jehovah Kwĩ na hinya wa kũhonokania Gũgĩtũma thũ icio ininwo ciothe Cianinĩirwo biũ iria-inĩ

Arutwo moona nĩ megũthira Magũkaĩire na ũkĩmetĩka Ũkĩhooreria huho na makũmbĩ Ũhoro ũcio ũkĩandĩkwo tũthomage Guoko gwaku no kwahũthĩkire Na Daudi akĩũraga Goliathũ Akĩrũĩrĩra rũrĩrĩ rwaku O na ũguo gũkĩandĩkwo tũthomage

Maũndũ marĩa ũrĩtwĩkagĩra Nĩ tũrĩkaga ũndũ wa gũtũma Gũtũũre kũririkanagũo atĩ Ũũ nĩ Jehovah watwĩkĩire Nacio ciana ciitũ ingĩgatũũria Tũgaciĩra rĩrĩa wekaga ũguo Maũndũ mothe marũgamĩtio Mũgambo waku wathĩkĩrwo

Daddy wa power

Niki ingikuhe murungu niguo ukene Na cia Igongona ria njino itiigukenia No nguinire rwimbo ruru ngicimbicaga Ngathiririe ritwa riaku Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Daddy undutite kuraya ukahonokia uu umuthi ndi ni hinya na uhoti waku Tiga ndingiraina my father
Nderora nongugocire Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Uheaga gia kuria na kunyua oo muthenya Ona gia kwihumba Daddy no uheaga Giikaro nowe uhete my father Jehova Shalom thayu, Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Kirigiriro kia maisha niwe uhete Andi ethi riria makururukire Ngai Ugithambia maitho Daddy ngiona weega Ngoro ino yakwa n ngenu, Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Kuona nounduirie muoyo my father Kiu ni kimenyithia gia ati niunyenda Ndagwita niunjiguaga Ngai wakwa Niatia ungi tiga ngugoce Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Daddy ngutura ngwende na nguinaga Ngugathiririe thi yoothe ngai wakwa Hotithia ndure ngwendete jehova Jireh Nyumbira ngoro ta Daddy wa power

Jehova nindakugooca my Daddy Ona ningi ndagutiiya, My father I love you my Daddy ndundigaga Ngoro ino yakwa igwitaga, Daddy wa power

Ngai anyendire kiama

Ngai anyendire kia ma Jesu akinyenda kia biu Roho akinyenda oo uguo tuhu Ona itari wa kwendeka Ona itari wa kwendeka

Ngutura oo ndimurumiriire Giture umurumiriire Nguria kirira kia wendi wake Ni amu nokio tu kia ma Ni amu nokio tu kia ma

Nimutuoheri mehia Mutuohi wa nguraaro Mutuoi hindi ithui tugwite Agatukinyithia ihiga ini Agatukinyithia ihiga ini

Ngutura oo ndimurumiriire Giture umurumiriire Nguria kirira kia wendi wake Ni amu nokio tu kia ma Ni amu nokio tu kia ma

Muturihiri thiiri Mututoria ukombo ini Muturokeria muoyo ruciini Ngai mutindania na ithui Ngai mutindania na ithui

Ngutura oo ndimurumiriire Giture umurumiriire Nguria kirira kia wendi wake Ni amu nokio tu kia ma Ni amu nokio tu kia ma

Mutugitiri mirimu Mutuhei irio cia kuria Nguo cia kwihumba ona uikaro Mutuenderi mawega Mutuenderi mawega

Ngutura oo ndimurumiriire Giture umurumiriire Nguria kirira kia wendi wake Ni amu nokio tu kia ma Ni amu nokio tu kia ma

Tondu wa uria endire kirindi Akiruta mwana wake Ooke atukuiire atuohere mehia Na ithui ni tumuturire Na ithui nitumuturire

Ngutura oo ndimurumiriire Giture umurumiriire Nguria kirira kia wendi wake Ni amu nokio tu kia ma Ni amu nokio tu kia ma

Ihuru

Gutiri njira Ngai utangigera, Ugiuka kugegia uria mukwihoki, Ruo-ini na gikeno-ini no uke, Gucerera ngoro iria withuriire.

Githi ndwatumire Ihuru rihunie, Elijah Samaria kwi ng’aragu, Na karui ka hua wamwirire athii,
Sidoni kwa mutumia wa ndigwa

Aisraeli monete muthiro, Makuhiriria Iria riria itune, Nikiriga wanyitiriire mai, Mwena uyu no uyu,
Makiringa othe.

Kurera gwa ithenwa iguru ria mai, Ngombo ndikanaimwo ithenwa hindi ingi, Ndungīgiria Lebanoni eheane miti, Nyumba ciitu itikoinwo Thimo.

Woigire Jakubu niwamwendire, Esau ukimuthura enda ya nyina, Wirathimagira mundu uria wenda, Nawarathima gutiri ungiruma.

Woka kwambararia nduroranagia, Mundu acirirwo kuu na acirirwo nuu, Arerirwo atia, Athomete nginya ku, Ihinda riaku rioka ndungitira.

Gia na ngoro njega

Gia na ngoro njega; ngoro yendete Ngai; ngoro yendete andu othe kiheo ni muoyo

Iyuruo ni gikeno kiririria muno Jehovah Ngai erire Adamu irio ciake arionaga na minoga ciothe na thithino

Jesu athaithire Ngai thithino igiitika; matata ta thakame kiheo ni muoyo

Johana ahunjirie na kamukwa njohero; irio ciake ni Ngigi na uuuki wa hako

Arutwo moraniriie riu nuu munene; Jesu akimonereria uhoro wa kwinyihia

Wenda utuike munene ; winyihie wathike; utungatiire andu othe kiheo ni muoyo

Warumwo na wamenwo na wathurwo ni andu ; makuigirire igenyo kiheo ni muoyo

Rugendo rwa neneha mathina maingiha ; ririkanagawega kiheo ni muoyo.

Ndonire Jerusalem BT 140

Iguru riri tuonaga ;Na thi ciothe ni igathira Thi njeru na iguru rieru; Nii haririirio ni Ngai

Ndonire Jerusalemu (iria njeru) Igiikuruka ta muhiki agemeirio muthuriwe Ari na ukengi munene

Ndaiguire nderwo nyandike;Maundu maria ndonire Tondu ni makwihokeka; na nimagakinyanira

Ngiigua mugambo munene; Waima giti-ini kia Ngai Ukiuga giikaro giakwa; Ki hamwe na andu akwa

Itura riu ni itheru; Ritibatairio ni riua Kana mweri kana njata; Jesu niwe utheri wa rio

Kuu gutiri hekaru;ta iria ciakagwo guku thi Tondu mwathani we mwene; Niwe hekaru ya iguru

Ngutura ndi Ngai wao; Nao mature mari akwa Ningamagiria maithori; Matigacoka kurira

Uka kwi Jesu

Ũka kwĩ Jesũ ndũkarege Ũka ũmũthĩ ũmwĩtĩkie Tondũ arĩ haha Jesũ Mwene Nake ekuga Njũ

Tũgakena mũno mũno ma Twagirio gũcoka kwagana Tũtũũre nake Mũhonokia Tene o na tene

Ũka kwa Jesũ ndũkarege Reke ibuku rĩgũtaare Nĩro rĩandĩke njĩra yake Na ekuga Njũ

Ũka kwĩ Jesũ ndũkarege Igua mũgambo ũcio wake Rĩu ũmwĩtĩkie ũgĩkene Tondũ ekuuga Njũ

Ũka kwĩ Jesũ ndũkarege Ngai nĩekwenda agũciare Nĩ ũndũ wa Jesũ akuohere Nake ekuuga Njũ

Unjarahure Mwathani

Ũnjarahũre Mwathani, ũnjarahũre, Njetereire Jesũ kũigua mũgambo waku; Ũnjarahũre Mwathani, Ũnjarahũre, Njetereire Jesũ kũigua mũgambo waku.

Thayũ ngoro-inĩ thayũ Nĩguo ndahoya ngoro-inĩ Na ũriũkio waku.

Ũnjiguĩre tha Mwathani, ũnjiguĩre tha, Ũgĩcerera arĩa angĩ ndũkahĩtũke; Ũnjiguĩre tha Mwathani, Ũnjiguĩre tha, Ũgĩcerera arĩa angĩ ndũkahĩtũke.

Mwarĩ wa Ithe witũ, ũgũkiaga atĩa? Tondũ Jesũ aroiga nĩoĩ ciĩko ciaku; Akoiga ndũrĩ mũhiũ na ndũrĩ mũhoro, Nĩ kaba ũhiũhe kana ũhore.

Nawe mũrũ wa Ithe witũ, Jesũ arakwĩra, “Nĩnjũĩ wĩ igweta atĩ ũrĩ muoyo Na nĩ gũkua ũkuĩte. Arahũka!
Ũrũmie maũndũ marĩa marenda gũkua.

Waigua mũgambo wa Jesũ ndũkomie ngoro, Ngwatanĩro yaku na Ngai ĩcoke; Ũkenagĩre ũhonokio waku ta mbere, Waigua mũgambo wa Jesũ ndũkomie ngoro.

Utheri wa karimaini

Ũtheri wa karĩma-inĩ Ũiyũrĩte thĩ yothe Mĩrũri ĩmũrĩkĩte Kũrĩa kũruru wega Na ũtheri ũcio naguo Ũiyũrĩte ngoro yakwa Tondũ Mwathani e thĩinĩ Ta mĩrũri ya riũa

Ũtheri mwega wa Jesũ Ũmũrĩkĩte ngoro Jesũ andirĩra gĩthithi Kĩeha no gĩgathira

Ũtheri wa karĩma-inĩ Ũiyũrĩte thĩ yothe Mwathani njakĩria tawa Na ũninĩre nduma Ndanina rũgendo rũakwa Na wĩra wakwa wothe Nĩngakenaga igũrũ Na ngũinamagĩrĩre

Ngũgũithia kĩeha tĩri-inĩ O ta nguo ndembũku Ũhumbe gĩkeno gĩaku Hotage gũgũkumia Mũciĩ ũcio wa igũrũ Kũu wendaga njũke Meciria ma ngoro yakwa Nĩmaũcũthĩrĩirie

Mwathani nĩũngũrĩte O hamwe na indo ciakwa Tawa ũcio ũnjakĩirie Nĩ wa gũkũgocithia Nĩguo nyonie andũ othe Atĩ wĩ Mũhonokia Mwathani ũrogocagwo Nginya tene na tene

Utugi wa magegania

Ũtugi wa magegania Nĩwahonokirie; Rĩrĩa ndarĩ mũtumumu Ngĩhingũka maitho.

Nĩ ũtugi wanyonirie Gwĩtigĩra Ngai; Ũkĩnina guoya ngoro Rĩrĩa ndetĩkirie

Mogwati nĩ maingĩ mũno O namo magerio; No ũtugi ũcio wiki Nĩũkanginyia gwaku.

Mwathani nĩanjĩrĩire Irathimo nyingĩ; Ndĩĩhokaga kiugo gĩake Muyo wakwa wothe.

Na ũtugi watũkinyia Nĩtũgakenaga; Tũkĩgooca Gatũrũme Mĩaka ngiri ngiri.

Twakugatha Ngai

Twakũgatha Ngaĩ Tondũ wa tha ciaku Na thakame ya Jesũ Mũkũũri witũ.

Haleluya! Twakũgatha Haleluya! Amen! Haleluya! Twakũhoya Tũrathĩmerĩu.

Tũrathĩ me rĩu, Ũtũiyũrie ngoro Wendani mũnene Na wĩtĩkĩro.

Tũkũgatha Ngaĩ Tondũ Roho wake Nĩwe ũtũteithagia Matukũ mothe.

Jesũ nĩagoka Nĩ tũkene mũno Na gĩkeno kĩnene Na ũthethũko.

Riu riu njoya

Rĩu Mwathani, ndagũthaitha, Ndũkandige ndĩ mehiainĩ Ũka ũ’honokie narua Ũndute ndumainĩ.

Rĩu, rĩu, njoya, O ro ũguo ndariĩ; Tondũ Jesũ nĩanguĩrĩire, Rĩu, rĩu, njoya.

Ndĩ mwĩhia, ndingĩteithia, Nowe wahota gũ’theria Na thakame yaku mwene, Nduĩke mũndũ mwerũ.

Ndingĩhota kwĩyagĩria, Njĩhagia o itekwenda; Nĩ ũndo wa rĩĩtwa rĩa Jesũ Theria ngoro yakwa.

Ndĩ magũrũinĩ maku, Ambĩrĩria wĩra o rĩu, Na wĩke ũrĩa ũkwenda Ngoroinĩ yakwa.

Ũngĩndũma ndathiĩ rĩu, O kũndũ kũrĩa ũkwenda, Ngahunjagie ngumo yaku Kũrĩa ũtoĩo.

Twarehe manja

Rũcinĩ tũhande, mbeũ cia wendani Na mĩaraho, o na hwai-inĩ narĩo Jesũ nĩetereire, rĩrĩa tũkũgetha Tũkamũrehere, magetha maitũ

Twarehe manja, twarehe manja Tũgakena mũno twamũrehere Twarehe manja, twarehe manja
Tũgakena mũno twamũrehere

Tũhande riũa-inĩ, o na ciĩruru-inĩ O na kũrĩ matu, kana kwĩ heho Twarĩkia kũgetha, na wĩra wathira Tũkamũrehere magetha maitũ

Handĩrai Jesũ, na mũmũrĩrĩre O na muona thĩna, kana kĩeha kaĩngĩ Twarĩkia kũgetha, nĩagatũiyũkia
Tũkĩmũrehere magetha maitũ

Nii ningwenda BT 145

Niĩ nĩngwenda Ngai ũmenyage Nĩngenaga mũno nĩwe; Tondũ nĩũnjĩkaga wega Na ũkanyenda hingo ciothe.

Irio ciakwa iria ndĩaga Maĩ marĩa ngundaga; O na nguo cia kwĩhumba Ciothe nowe ũheaga.

Muoyo naguo nĩwe waheire Nĩwe ũgiragia ngue; Ũngethengia hinya waku Ndingĩtinda gathaa kamwe.

We mũthenya o na ũtukũ Nĩ ũmenyagĩrĩra wega; Maitho maku no mambaraga Kũrĩ ũtheri na kũrĩ nduna.

Ndingĩhota gũgũcokeria Wega waku, Mwathani; No nĩndakũhoya ũtũmage Ngwende mũno na ngũiguage.

Ni utuku

Nĩ ũtukũ gũkirĩtwo Thĩ yothe ĩĩ toro No Mariamu na Jusufu Meroreire mwana mũthaka

Koma mwana mwega Kooma mwana mwega

Nĩ ũtukũ gũkirĩtwo ArĩIthi mokĩrio Nĩ ũtheri na rũĩmbo rũega Ciumĩte o ro igũrũ

Kristũ nĩmũũku thĩ Mũkũũri nĩ mũciare

Nĩ ũtukũ gũkirĩtwo Ũkengi ũgĩũka thĩ Wa mwana ũcio wa igũrũ Nĩatũreheire ngoga yake

Kristũ nĩmũũku thĩ Mũkũũri nĩmũciare

Nĩ ũtukũ gũkirĩtwo Araika makĩina Ngumo njega ya ũhoreri Ũrogĩa kũrĩ andũ oothe

Kristũ nĩ mũũku thĩ Mũkũũri nĩmũciare

Ni uhoro mwega na wa gikeno

Nĩ ũhoro mwega na wa gĩkeno Gũtũũranagia na Jesũ Nĩ kĩrathimo kĩingĩ na thayũ Gũtũũranagia hamwe na nake

Ndũũre nake na ndikonaga mogwati Ndũũre nake njikarage moko-inĩ make

Nĩ wega atĩa rũgendo-inĩ Ingĩtwaranaga na Jesũ Mĩthenya yothe njĩra nĩ theri Ingĩtwaranaga na Jesũ

Ndingĩĩtigĩra na ndingĩmaka Tondũ Jesũ arĩ hamwe na niĩ Ndĩ na Mwathani no ngarathimwo Tondũ Jesũ arĩ hamwe na niĩ

Ngukinyukia o kahora

Ngũkinyũkia o kahora, Njerekeire o matu-inĩ; Na nĩnjũi nĩ ngakinya, Ngahurũke na Mwathani

Nĩwega Ngai Mutongoria, Nake Jesũ nĩ mũgate Roho waku mũnyotokia Niĩ ndikahũta kana nyoote

Kũrĩa gũtangĩgereka, Ngathĩ njega Jesũ Kristo; Ndikahotwo nĩũtenderũ, Kana irĩma rũgendo-inĩ.

Rĩrĩa ngũigua ta ingĩnoga, Hinya mũingĩ nĩ heagwo; Ngomĩrĩria ngarathimwo, Ngakinyũkia rũgendo-inĩ.

Nyamũ njũru na mĩrimũ, Itingihota kũũhoota; Cionaga ngĩakana, Mwaki nĩkũhumbwo riri wake

Ngo yakwa na itimũ rikwa, Nĩ mandĩko ma Mwathani; Orohamwe tũthiaga, Na irio ciakwa rũgendo-inĩ.

Ngatho ici BT 145

Ngatho ici ndacitũma Ngai wakwa, Nĩ ũndũ wa ciama nene ũningĩire; ũrotũra ũkumagio hĩndĩ ciothe,
Nĩũndũ wa ũkaru waku Imanueli.

Amũkĩra, amũkĩra ici ngatho ciakwa, Kuuma ũniniinĩ wakwa nĩnguonete, Wĩ mwega, wĩ mwega, Jesũ, kĩambarario, Rĩu, ũmũthĩ, na rũciũ kinya tene.

Mbaara na ndihũ nene cianangora, Rĩmwe niĩ ngetigĩra ngaigua guoya, Roho ũrĩa wakĩheire nĩguo ndorie
Ngona anyitĩte guoko ngomĩrĩria.

Ndungata yaku Ayubu yathĩnirio Mirimũ yarĩ mĩritũ nĩatoririe, Agĩthĩnio mwĩrĩ wake, na indo ciake;
Ndaigana gũgũtirika onete ũguo.

Arata akwa mandigire, o ũguo tũhũ, Rĩu gũtirĩ o nomwe, ũngĩng’ethera, Maragia na mĩhehũ, ta Judathi,
Atĩ nĩwandigire, wĩyonanie.

Cũthĩrĩria wone ngoma e wĩrainĩ, Aroiga tũtingĩtoria: Tũrĩ atoria! Mĩrimũ mĩingi akarehe, ya gĩcacĩ, Ekũigua ũguo, ekũigua ũguo, tũrĩatoria.

Ndirĩ na ũndũ niĩ ingĩkiuga, Nĩnguonete, ciama nene ũkaringa, Ngĩkuonaga, athuri ũkamahonokia, atumia,
Anake na airĩtu, ũrogocwo.

Ngoro yakwa riu nigukuinira

Ngai wakwa niĩ nĩngegaga mũno ma, Ngĩcũrania ũrĩa we ũtariĩ; Ngwa na njata, mweri na indo ciothe
Ciagĩire nĩũndũ wa ũhoti waku.

Ngoro yakwa rĩu nĩgũkũinĩra Nĩ ũndũ wa ũrĩa wĩ Mũnene! Ngoro yakwa rĩu nĩgũkũinĩra Nĩ ũndũ wa ũrĩa wĩ menene!

O kũrĩa guothe thiaga gũkũ thĩ Njiguaga nyoni igĩkũgooca; Ĩrĩma nĩikenagia maitho mũno Na karũhuho no kangenagia.

Ningĩ ndaririkana Ngai Baba, Kĩheo gĩaku kĩa magegania; Jesũ Kristo akuire atũhonokie Ithuothe tũkagaĩrwo muoyo.

Mũkũũri Jesũ rĩrĩa agacoka Anyinũkie mũciĩ wa igũrũ; Ngatũra ngumagia rĩĩtwa rĩake Na ngenagio nĩ wendani wake.

Turathime twakuhoya

Ngai e Haha Na Nĩekwenda Gũtũrathima ithuothe; Andũ aitũ nĩtũhoe Tũheo Roho wake.

Tũrathime twakũhoya, Tuurĩrie kĩrathimo, Mwathani tũgwetereire, Ũtũhe hinya mwerũ.

Ngai e haha hamwe na ithuĩ Handũ haha hatheru, Andũ othe nĩtũhoe Atherie ngoro ciitũ.

Ngai e haha na nĩekwenda Tũmũhe ngoro ciitũ, Atũiyũrie wendo wake Na kĩrathimo giake.

Mwathani rĩu ũtũigue, Nĩtwenyihia harĩ we, Tũikũrũkĩrie irathimo, Tũiyũrĩrĩrũo ngoro.

Ndiihota guconoka

Ndihota gũconoka Rĩu atĩ ndĩ wa Jesũ; Nĩngwenda ma kũmuumbũra Harĩ andũ othe.

Nĩmũtĩinĩ wa Jesũ Ndaambire kũmenya Mehia makwa nĩ manene ma, Ngĩmenya Jesũ nowe wahota Kũ’ninĩra na kũngenia.

Nĩngwenda ma gũthiaga Na njĩra ya kwa Ngai; Nĩngwenda kũmũhikĩra Hingo ciothe ndĩ thĩ.

Na Jesũ ndagaconoka Nĩ rĩĩtwa rĩakwa; Nĩakanyumbũra Igũrũ Atĩ niĩ ndĩ wake.

Ihinda rĩrĩa ngatwarũo Nĩ Jesũ Igũrũ; Ndarũgama na arĩa angĩ, Hĩndĩ ĩo akoiga atĩa?

Nĩakoiga, “Ũka haha, Mwana wakwa mwende; Nĩwa’hikagĩra wĩ thĩ, lkarania na niĩ.”

Hĩndĩ ĩo ngariganĩrũo Nĩ mathĩna mothe, Na nĩngakenaga mũno Nĩ ciugo cia Jesũ.

Njuthiriirie thumbi BT 140

1. Njikaraga njuthiriirie thumbi Yakwa njeru ina riri muingi Ta uria Atumwo mamicuthiriiririe
Makiuma thi na uhotani muingi

Ndithiaga ndithi-ini wa Roho Ngahoyaga ndithi-ini wa Roho Ngakenaga ndithi-ini wa Roho Tondo niwe Mutongoria wakwa.

2. Isiraeli maremera Ngai Mehereirio ituna gitugi Makiremwo ni guthii rugendo Tondu matiari na kionereria

3. Jesu arora Atumwo niakenire Nagikena ari thi-ini wa Roho Akira ithe “ni ndacokia ngatho Nikuguuriria aya njira yama”.

4. Ihinda riri ningucuthiriria Njamba cia Ita iria cia Mwathani Ikirua na mathaita meru Makiroho na itingihoteka

Muiyuro

Woii Ngai wakwa nduthare ; ndigiciirio ni magerio ta muiyuro wa maai nigucoerera ndiracoerera; ndakaya woii ndunyite guoko

Ni gukinya nginyiite muiyoro-ini muriku; kunoga niinogete ni gukaya mumero ukang’ara maitho maaga hinya nigukuuririra Ngai wakwa.

Nowe ndiratanya Mwathani; ndeithura ndangira undute muiyuro-ini ‘kinjihuguriire; ukinjerekere ndakaya unyamukirie narua

Thu cia muoyo iranjihitira; ikoiga ni undiganiirie injukirire tiga kunjikara hara nguhiriria Ngai; Baba hiuha kundeithia

We Jehova nowe ndaahiire; ndukanareke thu ciakwa ithekerere ndukananjonorithie; ndukanandirike nowe nduumba yakwa ya ihiga

Ona kuri uguo nowe Ngai; ngoro yakwa igutuura iguthathaiyagia Ngai nyinage wega waku wanagegia ngoro-ini ino Haleluya Mwathani

Ndi na murata mwega BT 145

Ndi murata mwega unyendete ; Jehova Ngai murata wakwa ndahiuhaga na ndaceragirwo; ookaga o hindi iria yaagiriire

Ningugukumia Ngai munyumbi; o ngionagwo itari kiene thi-ino ritwa riaku baba riambarario
nokio ngumo na ugooci ni ciaku

Ingihinyiririo muno ni thu; mirimu na nyariruo ni thina Ng’aragu nyota na gia kwihumba; ngwitaga baba na ukanjitika

Gwi gikeno kana kuri kieha wihokeku waku no nyonaga wega waku ndungigerekanio ; na wega wa mundu wa guku thi

Nduri uiru ningi nduhakagwo; tondu indo ciothe ciumaga gwaku nduriaga baba ndukomaga; maitho maku matiri njereri

Ndona thina thu ciakwa igatheka; cikiuragia Ngai wakwa athiite ku umahumbagira tunua twao ; Jehova Ngai na ukanumbuiya

Muru wa iya

Mundu wa gwitikia Mwathani witu; mundu wa gwitikia Jesu Kristo Gikeno kinene ni akaheo
Niakahonokio aheo muoyo

(Umuthi) Muruwaiya, niiugwitwo ni Jesu Kristo (Muruwaiya) Ugwitwo o riu ni Mwathani witu
(Umuthi) Tha ciake na wendo ni nene muno Niekwenda gutuma woherwo nga

Mundu uria ukwirira angienda gute waganu wa ngoro na mehia make tondu wa kwirira na kuumbura
Mwathani witu niekumuiguira tha

Andu othe oru nimakarumwo nimagacirithio ni Ngai iguru Maaga kuhonokio ni Mwana wa Ngai
na maaga kuohorithio nga niwe

Nigwihoka o thakame

Ningwihoka o thakame na uthingu wa Mwathani ndingihoka riitwa ringi no ria Muhonokia witu

Nindihandite ihigaini kundu kungi kwi ugwati kundu kungi kwi ugwati

Mahinda ma nduma nene ndihokaga ngoga yake riria ngucagio ni uuru hoyaga Jesu andeithie

Nindeithagio ni mwihitwa na kirikaniro giake ni’theragio mehia mothe tondu wa thakame yake

Jesu niagoka guku thi aiyire arata ake akimatware iguru maikare mucii wake

Gooca Jehova Ngai wa matuini

Gooca Jehova Ngai wa lguru Na hinya wa ngoro yaku yothe, Na umwende muno na meciria maku, Na uugi wa ngoro yaku yothe.

Ndugetigire na ndukamakio Ni hinya wa thi; Ndukarekie igai ritabuthaga.

Kuigua maathani nawe ukamahingia, Nigukirite mahaki mothe, Naguo wendani ugakira igongona, Nacio tha igatoria cira wa Ngai.

Ndukanegooce na hinya wa mwiri, Na ndugakenio ni thumbi ya thi; Wakinya lguru thumbi lo niikoma, Na utheri wayo ugatuika onduma.

Winyihie muno riria wi guku thi, Wirigiriire muoyo wa Jesu, Na niukaheakaheo thumbi ya uthamaki. Nduriri ciothe irurunganite.

Mbiriraini gutiri na wira

Mwaka uyu ni munene mweri uyu ni wa mwanya muthenya uyu ni twirute Gutuungata Mwathani Hindi iria twina Muoyo Mbirira-ini gutiri wira

Ruta wira na kiyo ugoocithie Mwathani, tondu twakinya Mbirira-ini, gutiri wira urikuo, gutiri na riciria, gutiri umenyi kana uugi.

Ta thii he thigiriri wee kiguta giki, wone no kanyamu kanini, no ni keigagira muthiithu kari o muoyo, Mbirira-ini gutiri wira.

Kiyo kingiuma naku, riciria ringiuma ku, umenyi na uugi ii naku? Jesu ni aheanaga hindi iria twi na Muoyo, Mbirira-ini gutiri wira.

Hooya Mwathani umuthi nigetha akumenyithie, kana wina kiyo wira-ini, kana wina riciria umenyi ona uugi, Mbirira-ini gutiri wira.

Jesu ni aheanaga kiyo wira-ini wake, Jesu aheanaga meciria, Jesu ni aheanaga umenyi ona uugi, Mbirira-ini gutiri wira.

Jesu acoka ringi kiria uigite ngoro, nikio gigagutongoria, kiyo wira-ini wake umenyi ona uugi, Mbirira-ini gutiri wira.

Ngumwira na ma itari na nganja

Ngumwira nama itari na nganja mundu uria muugi ni thagathage
Tutiri na kindu twetereireWira wa Roho ukirii guthira

Ndugathikiririe waigua ukiurio (Ni andu)
Rugendo ruru rugakinya ri?Mwathani oigire “Ngoka ta muici” Matawa manyu mutikahorie

Mwithukia ethukie ngumwira na ma Hindi ya igai akagaya ruo Aria atheru magikaya muoyo na thumbi ya unene itakabutha


Ndiri na nganja nguigua ngimenya Rugendo ruru no ngahootana Ngaringa ruui rua gikuu nginye
Mucii wa Iguru ndi na Mwathani

Mwathani nioigire ndagatiga Mundu umwihokete mathinaini nawe utuurage wi mwihokeku na niukaheo thumbi ya muoyo

Kuu kwa baba matuini iguru Gutiri kieha kana maithori Nikuo tugatuuranagia nake Twi na arata aria angi maambatire

Undongorie Mwathani Jesu

Undongorie Mwathani Jesu Ndi mugendi weru-ini Ndimuhuthu mwene hinya;
Nyita na guoko gwaku. We Mugate wa Iguru; Hunia ngoro yakwa.

Githima kia mai ma muoyo; Theruka thi-ini wakwa. Nario itu ria utheri; Ningwenda rindongorie.
Norio ringinyonia njira; Riria nguthii utuku.

Mwathani niarindwaraga; Nginya ndikie rugendo. Ruui rwa gikuu rutingimakia; Akaningia o wega. 

Ndonye bururi wa iguru; Ta uria eraniire.

Ungimenyana na Jesu

Ungimenyana na Jesu, Munyitane moko nake; Wona utheri mwega ma, Ungimenya Jesu

Wamumenya, wamumenya, Mukwendana nake kuna; Ukione muthenya mweru Wamumenya Jesu ki.

Ukione gikeno giake, Kirathimo giake nakio; Wone kiiraniro giake, Wamenya Jesu ki.

Ukione tha ciake nyingi, Uhoreri miaka yothe; Nagikuu ndugetigira, Wamenya Jesu ki.

Ukimenye njira ciake, Nocio njega cia kwihokwo;Uheane ngumo yake, Wamenya Jesu ki.

Thiiri wene

Mundu umwe warite thiri wene, agikua atarihite thiri ucio agitiga mutumia na ariu ake makirandurwo thiri ...wa mbeca 

Nii ndimurihire thire wothe uria ndarite kwa ngoma ni Jesu werutire akiriha na thakame iria aitirwo... Ni wega 

Mutumia ucio ari wandigwa niari na ihinda iritu muno ni tondu wa kurandurwo thiri na ndari gia kuriha ...thiri ucio 

Mundu ucio waranduraga thiri akiuria mutumia ucio wa ndigwa tondu riu niwaga gia kundiha nguthii na twana twaku... ukwona atia 

Mutumia ucio akirira muno na kieha gikimuihura ngoro, agithii agikora Elisha akimuria ngwika atia ...ndihe thiri 

Elisha akiuria mutumia ucio nyumba gwaku niki witigiirie, akimwira no ndigithu ndinayo na tuguta tunini ...twa umuthi 

Elisha akimwira thii ukahoe ndigithu kuri aria muturainie, ucoke wonorerie tuguta tuu turi ndigithu ...iyo yaku 

Maguta makihura ndigithu akiendia akiriha thiri wothe na magitigara mangi maingi ndacokire guthina... ni kiama. 

O nanii ndari na thiri muingi kwa ngoma Jesu akijiguira tha agithinio akiuragwo nigetha thiri wakwa urihike... nithengiu

Gaturume ka Ngai

Johana uria wari wa Zakaria, Okiite mbere ya mwathi Jesu, Ahunjagia weruini akiugaga thondekai njira ciake 

Onei gaturume ka Ngai, Onei gaturume ka Ngai, Karia gookite niguo gakue mehia ma kirindi. 

Rui rwa Jorodani andu magiuka, Johana akimabatithia na maai, akimeera mwirirei uthamaki wa Ngai ni ukuhiririirie, 

Johana akiona Jesu murimo uria, Murimo wa Rui rwa Jorodani, Okaga okahora Johana akimwirorera agegeete. 

Jesu agitonya rui kubatithio, Johana akimwira nii ndiganiite, kuhutia iratu kana njohore ndigi cia kiratu giaku. 

Jesu akiira Johana amubatithie, Johana niaguaga hena uritu, Jesu akiuga no nginya tuonie kirindi uhoro wa kwinyihia. 

Jesu okiite ari thiini wa utatu, ari Ngai na agiciarwo ta mundu, ningi ari gaturume karutiirwo igongana riitu ithuothe.

Paulu Andikiire

Paulo andĩkĩĩre kanitha wa Afilipi Hĩndĩ ĩrĩa ohetwo nĩũndũ wa ũhoro wa-ma Nĩacokagia ngatho nĩ ngwatanĩro yao Nĩũndũ wa kũmenda nao makamwenda. 

Paulo akĩmera nĩnjokagia ngatho Na ngamũhoyagĩra ngwatanĩro ĩrotũũra Na wendo ũingĩhe wa kugwatanĩra Na niĩ ũhoro wa-ma kũhunjia ũhoro wa-ma na kũũrũĩrĩra. 

Angĩ mahunjagia nĩ ũirũ na ngarari Angĩ ngoro njega na arĩa angĩ wendani Angĩ meciragia nĩmekũhinyĩrĩria Ĩndĩ macio mothe Jesũ nĩahunjagia. 

Angĩkorũo gũkua gwakwa nĩ umithio Na gũtũũra muoyo macio nĩ maciaro Ndirĩ ũndũ ingĩkiuga Mwathani arogocwo Ngũtũũra wendo-inĩ wa Mwathani Jesu. 

Ũhonokio wanyu nĩũmenyũo nĩ andũ othe Ũtũĩke ta tawa warĩre thĩ yothe Mwonie rũciaro rũrũ ruogomu rũtũrĩku Mũtingicukĩka maũndũ-inĩ mothe. 

Hunjiai ũhoro wa-ma mũtarĩ na guoya Mũrĩ ngwatanĩro na mũkĩnyihagia Mũtuĩke kĩonereria kĩa Mwathani Jesi Na mũrute mĩĩrĩ ĩtuĩke igongona.

Kumenyerera Watho

Kũmenyerera watho wa Ngai, Nĩkuo kũmenyerera Muoyo na ũgĩ. Na irĩkanĩro cia Mwathani, Iria arĩkanĩire na Atheru. 

Tigai thiritũ na aremi, Matu-inĩ ngerenwa ciao nĩ cia ruo. Nimaregire kĩrathimo. Mwĩgunyi wao no kĩrumi. 

Wĩmenyerere ndũgakorwo, Nĩkuga ugaga ndeto na mĩromo. Ngoro-inĩ kũiyũire waganu, Jesũ nĩ abatairio nĩ ũtheru: 

Wona waga kwĩmenyerera, Roho Mũtheru ndarĩ rũmwe na irimũ. Nacio nĩ ĩgatwarwo na kĩguũ Niũndũ wa kwenda gwĩtongoria. 

Ratiri yama ya gwĩthima, Nĩ ngoro yaku wona waga kwĩrigwo. Withime ũmenye kana nĩguo, Roho Mũtheru agũtaraga. 

Roho nĩ mũira wa ngoroiria Ciendete Mwathani nama itarĩ nganja. Na wĩĩtigĩri na wathĩki, Ciĩrĩgĩrĩire kĩrathimo. 

Mwathani nĩ akagathĩrĩria, Arĩa metereire mategũthethũka, Ngoro ciyũire wĩhokeku, Na ũkirĩrĩria wa mathĩna. 

Roho mũtheru arĩkia wĩra, Nĩagatongoria Atheru nĩguo tũinũke. Mũciri mũgĩ tũkamuona, Gĩti-inĩ gĩake kĩa ũthamaki.

Tuonekanire

Aria macaragia mwathani Ngai Ngoro ini ciao matari na itheru Gutiri hingo matakamuona Niarimonekanagira hingo ciothe Aria macaragia mwathani Ngai Ngoro ini ciao matari na itheru Gutiri hingo matakamuona Niarimonekanagira hingo ciothe 

Twonekanire baba na uturathime Aria makenaga nikuona tugithinika Mamenye gutiri uturagia iru akahoya thina Tuhoyaga uturathime na irathimo ciaku 

Nia aingi gukiaga woi makamaka Nikurigwo gwakia marore naku Matiri mawira na nimabatairio ni gia kuria kunyua ona gia kwihumba Nia aingi gukiaga woi makamaka Nikurigwo gwakia marore naku Matiri mawira na nimabatairio ni gia kuria kunyua ona gia kwihumba 

Kuri matura mari na kieha Na nimagite mundu ungimomiriria Ng'aragu na mbara ona mirimu nicio iramanina maiguire tha baba Kuri matura mari na kieha Na nimagite mundu ungimomiriria Ng'aragu na mbara ona mirimu nicio iramanina maiguire tha baba 

Micii iitu ndiri na thayu Matura ini kinya mabururi ini Mathina ni maingi maturigiiciirie Tuheage thayu na miena yoothe Micii iitu ndiri na thayu Matura ini kinya mabururi ini Mathina ni maingi maturigiiciirie Tuheage thayu na miena yoothe 

Hinya na uhoti iri moko-ini maaku Na gutiri ona undu umwe ungikurema Tuma uthiu waku uture utwariire Tukiumagara ona ningi tugicoka Hinya na uhoti iri moko-ini maaku Na gutiri ona undu umwe ungikurema Tuma uthiu waku uture utwariire Tukiumagara ona ningi tugicoka

Ingarutua

Uthamaki ini uyu wa mwathani Jesu Ndurathutukania urenda andu oothe Arume na andu anja, itonga na athini Anene na anini nimwetereirwo 

Thiei ing'aratua ini na magomano ini, Andu aria mukuona mumere mooke Mumorie maikaire kuraya nikii Kuri na kirugu kwa Mwathani 

Jesu niatumire arutwo ake thi yoothe Mathii matwarire nduriri uhoro Uria wa gwitikia niakaheyo muoyo Na uria ukarega niagaikio mwaki ini 

Uria woothe unyotii nioke anyue ma muoyo Ndakanyota ringi tene na tene Nake uria muhutu nioke arie cia muoyo Nake uria munogu nioke ahuruke 

Mungiona arata anyu na andu a nyumba yanyu Mutikamagirie mumere mooke Thi ino no ya ihinda indi kwa mwathani Kuri na gikeno tene na tene 

Nao aria mehagia ona mwamakora Mutikamatige mumere mooke Mumere no ihinda mahetwo merire Marakara ma Ngai matanaitwo thi 

Na moka iruga ini mutikamathinie Mwathani nioi uria egwika nao Na mutikariganirwo ati ona inyui Mutiaria a iruga ini ni gwitwo mwetiirwo

Nditiga juuga niwega

Nditiga kuuga baba niwega tondu niunjui mbere ya uria nguui Nindacokia ngatho mbere yaku ngiugaga niwega tura oro uguo. Nanii ndure, ngicokagia ngatho ngoro ikenete. Nanii ndure, ngicokagia ngatho ngoro ikenete. 

Niwaheire marua ma bata, ma kunyonereria njira ya iguru Ingirigwo ni kuuga ni wega tondu niwanduire ithaga ria goro Ndongoragia thiage na uugi ngicera bururi Ndongoragia thiage na uugi ngicera bururi 

Arata akwa nimuui undu ucio tondu mwaciaritwo na njira ya uugi Mwathi wanyu na munene wanyu ndaturaga thi ino, aturaga iguru Ikaragai mumenyeire watho uria mwaheirwo Ikaragai mumenyeire watho uria mwaheirwo 

Ningoima bururi wa thi ino ndorete iguru ngone wega wa kuo Tondu nikuo, njiriirwo magai maria ngoro yakwa igakenagira Nikio ndoiga mwathani ndongoria nyume bururi uyu Nikio ndoiga mwathani ndongoria nyume bururi uyu 

Utonga wakwa niwanjirire ndiwetagirire ndina umiriru Na ukinjira ndona mathina, ngarehage mothe ngigwitaga baba Tondu niguo niguo wonire niwega kireke ngwaririe Tondu niguo niguo wonire niwega kireke ngwaririe 

Githima giki kireke baba tukinyuanire ngoro ikenete Tugikura na tukigimara, kireke undu ucio ugagukenagia Tutigairie, kuigua karumbeta, ka Jesu tuinuke. Tutigairie, kuigua karumbeta, ka Jesu tuinuke.

Kigunyiini

Mwathani nĩwe gĩikaro kĩirige, Araika ake marĩnjoyaga kĩndayaya, Ndikanae kũhĩngwo nĩ ihiga kũgũrũ, Na gũtirĩ itũhũhũ rĩkanguhĩrĩria. 

Ndĩikaraga kĩĩgunyĩini kĩa ũrĩa wĩ hinya, Na ndamũkaĩra ndangĩaga kũnjokeria, Hoya nĩũkũheo nĩwe woigire ũguo, ngoro yakwa kenaga nocanjamũkage 

Mũrimũ wa mũmitũko ndĩkanahutie, Kana mũthiro wa kũgomania maroho Ona mũguĩ wa gũthĩrĩrĩka mũthenya Nĩakandeithia gĩterengeinĩ kĩa mũtegi 

Ndwaro-inĩ andũ no kũringa thĩ ngiri ng'ima, Onaguo mũrĩmo ũrĩa magwe thĩ ngiri ikũmi, Na gũtirĩ itũhũhũ rĩkanguhĩrĩria, Jehovah ngũkiuga nĩwe irahĩro rĩakwa. 

Oigire ũrĩa wothe ũkamenya atĩ nĩ wake, Arĩmuoyaga handũ haraya na igũrũ, Na hĩndĩ ĩrĩa agakaya ndagaconorithio, Egũtũũra ainaga ũhonokio wa Jehovah. 

Oigire akamũteithia kũrĩ andũ ake othe, Agĩteremaga mĩrũthi ona nduĩra, Na hĩndĩ ĩrĩa agakaya ndagaconorithio, Egũtũũra ainaga ũhonokio wa Jehovah

Irimaini

Niguthoma thomete uhoro waku Matu makwa makaigua ngumo yaku Maitho makeyonera mawiko maku Ngai ngakugoca 

Ndarora irima ini ngakugoca Ndaikia maitho weru ini ngakugoca Ndona mutamburuko wa mai iria ini ngakugooca 

Mawiko maria jehova waneka Maturagia ngumo tene na tene Murata waku musa nimwira waku Ngai nieyoneire 

Niwe werire mai meherere Mbari ya Israel mahetuke Muthenya wi itu ini gwatuka wi gitugi ini kia mwaki

Uhoti waku Ngai ni munene Niwinainagia ngoro cia athamaki Nebukandinesaru nianirio ni kuona uhoti waku 

Ona nie ninyonete uhoti waku Muturire ini wakwa ninguonete Niwe munduiiriri utharaga muoyo wakwa ugwati ini 

Ngutura ngugocaga kinya tene Ngoro ngukumagie we Ngai wakwa O nginya irindi ciothe imenye gutiri ungi Ngai wakwa 

Elijah

Andũ maregire Ngai Isiraeli, Makĩhoithio mũhianano nĩ Jeseberi, Elijah ona ũguo akĩhoya Ngai mũno, Akĩrũgamia mbura mĩaka ĩtatũ na nuthu. 

Elijah akiuma mũciĩ Arĩ na kĩeha akĩĩra andũ othe mũrĩnjetha na mũtinyone, Nĩgũkũgĩa ng'aragu, ya mĩaka ĩtatũ, Na ngacooka mwamenya Jehovah nĩwe Ngai 

Nĩatũũrire ngurungaini ihinda inene, Irio ciake atũire aheagwo nĩ mahuti, Akĩũmĩrĩria mĩaka ĩtatũ na nuthu, Na thutha nĩatoririe anabii acio a mbaari. 

Gũkĩgĩa ng'aragu nene Isiraeli Mũthamaki agĩathana akiuga Elijah acario Rĩrĩa Elijah okire akĩĩraa andũ othe Ona anabii othe macemanie kĩrĩma igũrũ 

Rĩrĩa macemanirie Elijah akiuga, Rĩu nĩtũkũmenya Ngai wama nĩ ũrĩkũ, Akorwo nĩ Jehovah tũmũtungate, Ningĩ akorwo nĩ mbaari niwe tũgũtungata. 

Anabii acio a mbaari nĩmatiindire Makĩhoya mbaari no ndĩigana kũmetĩka, No Elijah rĩrĩa ahoire Jehovah, Amwĩtĩkire na mwaki ũgĩcina igongona. 

Ona ihinda rĩrĩ no taguo gũtariĩ, Andũ nĩmagĩĩte na Ngai ingĩ cia mĩkĩra, Ciakũmarathagĩra ũrĩa mekwenda, Nĩ kwaga kũiganĩra nĩ ũhoro ũrĩa menaguo

Mwei wa githima muigai BT 140

Ngoro yakwa uka tugathiririe uria wa twitire tondu nie na nawe no ithui tui kuria turutitwo irima na miikuruko twana ikurukio ni andu aingi magibanga gututunya kirigiriro

Ngai mwei wa githima urogocagwo ni araika we mugituthuri wuinagirwo ni ngoro yakwa turihitahitanaga na araika mbere yaku magigwita mutheru ngagwitaga munyotori

Ngoro yakwa ni ui ni twanarirwo ni riua na tukanyihanyihirwo ni wega wa mwathani tondu mwiri uria twaheiro ni ugiciririkaga no wega niati tutiri twate thaha wa muuyo

Ruoro ruria tworirwo ni Mwathani na thakame ubatithio wa roho mutheru twabatithirio ni mbeu twahandirwo negutura thiini witu na roho mutheru egutura amimenyagirira

Ni ninjui ni ndanyaga gukona iguru rieru na mwiri niui no ngathii ndiweherere nikio mbara inene getha wihokeku uthire mwathi wakwa ukandeithia ngaringa rui rwa gikuu

Ni nikwirigirira nduraga njirigiriire Ngai nigweterera nduraga ngwetagirira ongihokaga hinya wa roho waku mutheru niaka ndeithia ngoneka bururi wa ari me muoyo

Mwei wa githima Sammy Irungu BT 125

Nĩ ndagũkaĩra Jehova Niĩ mwĩhia mũnyamaarĩki Tondũ matha maku nĩ maingĩ Ndũhiũhaga kũrakara Ũthambie na mũthũbi waku Nĩ getha njerũhe o ta ira Tuuco tuothe ngoro-inĩ yakwa Ndutĩra wĩra ũngĩ mwerũ

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao
 
Nĩ kũrũra ndũrĩire kanua-inĩ gaku O ro ta ngaita Ndũkaĩ kũndua thĩ Jehova Atĩ nyume kanua gaku Kũngĩkinya nĩ kũndũithia Hũũra ũkĩnjokagia mũciĩ Nĩ ũndũ wa tha cia kĩgongona
Ndũkahithĩre ũthiũ waku

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao
 
Ũngĩnyingata atĩ nĩguo Mũrungu Wee ndũkanyone No kũbuĩria ingĩbuĩria Ningĩ micĩrĩre o ro ta itu Njũrĩre rĩera-inĩ ta ndogo O na ningĩ ndegwo nĩ thĩ Ndũkahithĩre ũthiũ waku Atĩ nĩguo ndũkanyone

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao

Ngoro yakwa nĩ ĩgurarĩte Ironda igũita thakame Ironda iria niĩ ngurarĩte Irabatara mũrigiti Tondũ wĩ mũrigiti mwega Kĩrigite ngoro yakwa Ũhonie ironda cia ngoro na cia mwĩrĩ Wee Ngai wakwa

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao

Njikarĩte gĩthiũrũrĩ-inĩ Kĩa mathĩna na magerio Ndiindaga nyũmba ndĩhingĩire Nĩ kwaga gwa kũgerera Kĩnyũrũri kĩrĩa ngereire Nĩ kĩrĩa kĩarĩ na Hannah Thondeka njĩra ya kũũrĩra Ndigathirĩre ũndũ-inĩ ũyũ

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao

Ngwenda ũndeithie kũrũgama Ciĩranĩro-inĩ Jehova Caitani arenda gũthũngũthia Ngoro yakwa o ta ngano Ndirĩ na ũngĩ wa kũndeithia Na ndirĩ na hinya mwathani Hũndũrĩra ngoro Jehova Mĩcookie ciĩranĩro-inĩ

Wee mwei wa githima gĩũke Nĩguo ũtherie ngoro yakwa Gĩthima gĩakwa gĩtikaĩ Kũruta maaĩ marũrũ Arĩa manyotokagĩra ho Mũrungu matikahune Ehoki ngai nĩ ũndũ wakwa Ũgitĩre mĩoyo yao

Commander

Niwega muno muno Baba We Ngai ucokagia mahoya Niwe unginyithitie haha Amukira ngumo na ugooci Niwega muno muno Baba We Ngai ucokagia mahoya Niwe unginyithitie haha Amukira ngumo na ugooci 

Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara 

Undugite na utugi muingi Ukahotithia kurugama Ndirahagire wega waku Ngigwita na maritwa maku Undugite na utugi muingi Ukahotithia kurugama Ndirahagire wega waku Ngigwita na maritwa maku 

Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara 

Niunjaurite mirigo Miritu nikio ngukugooca Ciiraniro ciaku ukahingia Niwega muno muno baba Nuu ungirugamana nawe Ati mugithimane hinya Guoko gwaku kwihotaniire Ugaconorithia thu ciaku 

Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara Wi muthamaki Muruthi wa judah, Commander wa mbara

Nyita na guoko

Nyita na guoko ndugamia wega niguo nyone mbere Maundu ma thi ni ma guthira, no we ndugathira

Niwega mwathani, werire Samueli ndutiagira andu mauthi nikio ndiri kieha Niwega mwathani, werire Samueli ndutiagira andu mauthi nikio ndiri kieha 

Niwega Ngai ni kuhe rutha rwa guuka kuri we Gukumenyithia mathina makwa itegwitigira 

Niwega mwathani, werire Samueli ndutiagira andu mauthi nikio ndiri kieha Niwega mwathani, werire Samueli ndutiagira andu mauthi nikio ndiri kieha 

Arata akwa oothe na aria twendaine hamwe na aciari akwa oothe Kwihindi ingiuka mandiganirie no we ndutarie uguo 

Niwega mwathani, werire Samueli ndutiagira andu mauthi nikio ndiri kieha Niwega mwathani, werire Samueli ndutiagira andu mauthi nikio ndiri kieha 

Hindi ya ikeno na ya maithori urogikumagio Riria ndi mbeca na riria itari, urokigocagwo 

Niwega mwathani, werire Samueli ndutiagira andu mauthi nikio ndiri kieha Niwega mwathani, werire Samueli ndutiagira andu mauthi nikio ndiri kieha 

Ndina mwihoko ningona Jesu ndatura hari we, Rurimi ruru rwaka rwakira ngamuinira iguru 

Niwega mwathani, werire Samueli ndutiagira andu mauthi nikio ndiri kieha Niwega mwathani, werire Samueli ndutiagira andu mauthi nikio ndiri kieha

Kioneki giaku

O mwaka o mwaka, Hannah niathiaga gutwarira mwana, Samuel gakuo,
Na thutha wa mwaka niaraiharaihagia O uria Samuel athiaga agikuraga

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

Niakenirie Ngai nigwathika gwake, uhoro ucio ugituma ngai amarathime.
Ni wendo munene, akiongererwo ciana Samueli agikurira nyumba ini ya Ngai

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

We ona wetuo utungata, tura urimagira ukira witie hinya na niukurathimwo
Kioneki gikure na kiraiharaihio Hannah niaraihagiria Samueli gakuo

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

We etagirira tiga githethuka rimwe kioneki nikigeraaga weru ini.
Ndwari undu muhuthu, Hannah gweterera na wona wegwatira tura urimagira

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

O mwaka o mwaka, Hannah niathiaga gutwarira mwana, Samuel gakuo,
Na thutha wa mwaka niaraiharaihagia O uria Samuel athiaga agikuraga

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

Kioneki giaku raiharaihia, Hannah niaraihagiria Samueli gakuo.
Kioneki giaku raiharaihia, Hannah niaraihagiria Samueli gakuo

Elisha akirora na iguru

Elisha atigirwo ni Elijah hugururu ini cia Jordani Nake ndangiahotire gukira, mwena uria ungi niundu wa maai 

Elisha akirora na iguru, Akiuria Ngai wa Elijah eeku Akioya nguo iria atigiirwo Amiiga thi hakigia njira 

Reu ndagitari akirwite, ati wee ndungigia mwana Ndukamake we rora iguru, urie ngai wa Hanna ari ku 

Elisha akirora na iguru, Akiuria Ngai wa Elijah eeku Akioya nguo iria atigiirwo Amiiga thi hakigia njira 

Ona ungimenwo ni andu anyu, ona kana makwagire kiene Ndukamake we rora iguru, urie Ngai wa Jusufu ee ku 

Elisha akirora na iguru, Akiuria Ngai wa Elijah eeku Akioya nguo iria atigiirwo Amiiga thi hakigia njira 

Na maundu maku mangihitana, Ona indo ciaku ciothe ithire Ndukamake we rora iguru, urie Ngai wa Ayubu eeku 

Elisha akirora na iguru, Akiuria Ngai wa Elijah eeku Akioya nguo iria atigiirwo Amiiga thi hakigia njira 

Mwiri waku ungirwara muno, kana hihi ugue na ironda ndukamake we rora iguru, urie Ngai wa Narmani eeku 

Elisha akirora na iguru, Akiuria Ngai wa Elijah eeku Akioya nguo iria atigiirwo Amiiga thi hakigia njira

Ciugo ici

Akĩhunjia na akĩmera merire Angĩ maarĩ busy magĩtara mbia Maathogoranaga maitho-inĩ make Matiaiguaga thoni A’kĩmeera mena haaro kũna Nĩ amu matiracarania na muoyo Mateng’eranĩtie gũĩtwo rĩtwa Itonga, itonga, itonga 

Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre 

Gatagatĩ-inĩ ka andũ acio Jesũ nĩ augire nĩ kaba arĩa Maragerera kũnyũrũrio Nĩ ũndũ wa mũrũ wa mũndũ Kwandĩkĩtwo magakena Macanjamũkage mbere yake Menyitĩirie ũhootani Atooria a mbara 

Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre 

Ũma wa ciugo ici nĩ atĩ Mũndũ atue itua ũrĩa Arenda gũĩka nacio Tondũ mwaki na muoyo itikananyitana Nĩ gũkagĩa na ciira Ihĩtia wũi rĩgĩtwo ihĩtia Gũtikagĩa mathaa O ma kwĩharĩria 

Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre Ciugo, ciugo ici Nĩcio ciarehire maũndũ me bata Akĩmarĩria we nĩ augaga Okire amateithũre 

Itua riaku

Nĩ harĩ na mũndũ ũmwe woimĩte Jerusalemu waikũrũkĩte Na arorete meri ya mĩhang’o Yetagwo Jeriko Nũũ ũtoĩ Jeriko kwaiyũrĩte Waganu wa mĩthemba yothe No waganu, Warutĩte mũndũ ũcio itũũra rĩa Ngai Nake agĩthiĩ akĩgwĩra moko-inĩ Ma andũ arĩa ekinaĩ na atunyani Makĩmũhũũra kũmwananga Magĩtiga akirie gũkua 

Naniĩ noguo wangorire njucangĩtwo nyanangĩtwo Nĩ waganu ũrĩa waatũire thĩinĩ wakwa Wee nowe, Weringithirie kũmenya ndatigĩtie ha njũrwo nĩ muoyo wakwa Na tondũ wendani na tha nĩcio itũire itongoretie matua maku Itua rĩaku, Rĩgĩthara muoyo wakwa ndũũre muoyo Itua rĩaku Ngai, Rĩgĩthara muoyo wakwa ndũũre muoyo 

Arĩ o hau hakĩhĩtũkĩra Mũndũ warĩ mũthĩnjĩri Ngai Nake amuona Nderingithirie akĩgerera o mũkĩra Mũlawii ũmwe wagereire ho We hĩndĩ ĩrĩa amuonire Akĩgera kamwena-inĩ Ndakahutanie na arĩa akuũ Mũsamaria ũmwe wagereire ho Nowe weringithirie Agĩtua itua Kũrora kana hihi mũndũ ũcio e muoyo 

Naniĩ noguo wangorire njucangĩtwo nyanangĩtwo Nĩ waganu ũrĩa waatũire thĩinĩ wakwa Wee nowe, Weringithirie kũmenya ndatigĩtie ha njũrwo nĩ muoyo wakwa Na tondũ wendani na tha nĩcio itũire itongoretie matua maku Itua rĩaku, Rĩgĩthara muoyo wakwa ndũũre muoyo Itua rĩaku Ngai, Rĩgĩthara muoyo wakwa ndũũre muoyo 

Naniĩ ndaarĩ mũhatĩke nĩ mecũrania Ma ũrĩa ngwĩka ngũkenie Na ndamenya Ndĩ rũciaro rwa Adamu ũrĩa wa tene O ũcio warĩ kĩhumo kĩa waganu Agĩtũma niĩ ndĩũgae Kuuma hau Tũkĩũranwo nawe mũgai wa muoyo Gwathĩkĩra waatho waku Ũgĩgĩtuĩka ũndũ ũrĩa mũritũ mũno Ona ndageria O mũthenya ndĩkoraga o ngĩĩka ũũru 

Naniĩ noguo wangorire njucangĩtwo nyanangĩtwo Nĩ waganu ũrĩa waatũire thĩinĩ wakwa Wee nowe, Weringithirie kũmenya ndatigĩtie ha njũrwo nĩ muoyo wakwa Na tondũ wendani na tha nĩcio itũire itongoretie matua maku Itua rĩaku, Rĩgĩthara muoyo wakwa ndũũre muoyo Itua rĩaku Ngai, Rĩgĩthara muoyo wakwa ndũũre muoyo 

Nĩ nduĩte itua rĩa gũtũũra Ngathagĩrĩria itua rĩrĩ rĩaku Ngai Rĩatũmire, Ngũkenagie rĩrĩa itarĩ ũrĩa ndatariĩ Wanjoheire waganu wakwa Ũkiuga ndũkaririkana o na rĩ Kuuma hau, Ũgĩtua itua Ngai wakwa ũkĩhonokia Ndĩna gĩtũmi kĩiganu Gĩa kũhotha muoyo wakwa ngũtungate Njĩrage andũ, Ũhoro wa mawĩko maku wee Ngai 

Naniĩ noguo wangorire njucangĩtwo nyanangĩtwo Nĩ waganu ũrĩa waatũire thĩinĩ wakwa Wee nowe, Weringithirie kũmenya ndatigĩtie ha njũrwo nĩ muoyo wakwa Na tondũ wendani na tha nĩcio itũire itongoretie matua maku Itua rĩaku, Rĩgĩthara muoyo wakwa ndũũre muoyo Itua rĩaku Ngai, Rĩgĩthara muoyo wakwa ndũũre muoyo 

Ihiga ria koine

Kaĩ mũndũ ũrĩa ũtakũĩ Angĩkĩmenya thogora waku Githĩ tũtiugaga kũmenya kĩndũ Nĩ gũtũũrania nakĩo Twatũũrire nawe gũkũ thĩ Jesũ Tũtigana gũkũmenya Tũtigana kũmenya wĩ Ngai Wokĩte o gũtũguna 

Narĩo ihiga Rĩrĩ ihiga rĩaregirwo nĩ aaki Rora no rĩo Rĩacookire gũtwĩka mũthingi mũrũmu Tondũ ritho nĩ rĩmenaga njamba Na mũndũ akamena o kĩrĩa Wũi gĩkamũguna 

Ũtuĩkĩte nĩwe ihiga rĩa koine Mũthingi mũrũmu Rĩtwa rĩaku rĩgakĩambarara Igũrũ rĩa mangĩ mothe Rĩgagĩtuĩka o rĩtwa Rĩrĩa rĩatũhonokagia Na gũtirĩ ũtagaturia iru rĩake Oimbũre wĩ Ngai 

Narĩo ihiga Rĩrĩ ihiga rĩaregirwo nĩ aaki Rora no rĩo Rĩacookire gũtwĩka mũthingi mũrũmu Tondũ ritho nĩ rĩmenaga njamba Na mũndũ akamena o kĩrĩa Wũi gĩkamũguna 

Wee wĩ njĩra, wĩ ũhoro wa ma O na ningĩ wĩ muoyo No ũkĩaga ũthaka ũrĩa ithuĩ Ũngĩatũgucĩrĩirie harĩ wee Tũgĩkũmena tũtekũmenya No tũgakũbatara Na gũtirĩ ũgakinya gwa ithe Atagerete harĩ wee 

Narĩo ihiga Rĩrĩ ihiga rĩaregirwo nĩ aaki Rora no rĩo Rĩacookire gũtwĩka mũthingi mũrũmu Tondũ ritho nĩ rĩmenaga njamba Na mũndũ akamena o kĩrĩa Wũi gĩkamũguna 

Ũtwĩkĩte nĩwe ihiga rĩa koine Mũthingi mũrũmu Rĩtwa rĩaku rĩgakĩambarara Igũrũ rĩa mangĩ mothe Rĩgagĩtuĩka o rĩtwa Rĩrĩa rĩatũhonokagia Na gũtirĩ ũtagaturia iru rĩake Oimbũre wĩ Ngai 

Narĩo ihiga Rĩrĩ ihiga rĩaregirwo nĩ aaki Rora no rĩo Rĩacookire gũtwĩka mũthingi mũrũmu Tondũ ritho nĩ rĩmenaga njamba Na mũndũ akamena o kĩrĩa Wũi gĩkamũguna 

Gethsemane

Gethsemane niho Jesu muhonokia, andiriire niguo ngahonoka Akinyaririka, akihoya agithithinaga, matata matarie ta thakame Gethsemane niho Jesu muhonokia, andiriire niguo ngahonoka Akinyaririka, akihoya agithithinaga, matata matarie ta thakame 

Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie. Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie. 

Gethsemane, ukihoya niwamenyaga mutharaba uri mbere yaku, Kunyaririka moko ini ma aria ehia, na nduigana gucoka na thutha Gethsemane, ukihoya niwamenyaga mutharaba uri mbere yaku, Kunyaririka moko ini ma aria ehia, na nduigana gucoka na thutha 

Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie. Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie 

Niwakuire mutharaba wa kwambirwo werekeire karima calvary Ugititika, mehia ma kirindi giothe ukamatherie na thakame yaku Niwakuire mutharaba wa kwambirwo werekeire karima calvary Ugititika, mehia ma kirindi giothe ukamatherie na thakame yaku 

Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie. Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie 

Mutharaba ini wathina wanyaririka ndwariganiirwo ni mwana urite Warikia wira ukiuga uhoro niwathira, ugitigirira niwanjohorithia Mutharaba ini wathina wanyaririka ndwariganiirwo ni mwana urite Warikia wira ukiuga uhoro niwathira, ugitigirira niwanjohorithia 

Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie. Gethsemane, ni kiambiriria kia ruo Gethsemane kiriro kinene Gethsemane, ukihoera na wendo ngukuhe ngoro niwahonokirie 

Ninjui ati niwe Ngai

Ngai mũnene na mũtugi wa Israeli Wee ũrĩ Ngai ũrĩ hinya na ndũhotagwo Nĩũndũ wa guoko gwaku niĩ nĩnyonete wega Nĩkĩo ndaitĩka gũgũkumia na gũkũgooca

Nĩnjũĩ atĩ nĩwe Ngai Na ũgũtũũra ũrĩ o Ngai Ndũinainagio nĩ maũndũ Kana akaguoyohio nĩmo Ũtuĩkanagĩria nduma-inĩ Ũgĩũka kũndehere ũtheri 

Waheire Israeli mwĩhoko me werũ-inĩ Rĩrĩa wamaurĩirie mĩgate ta mbura Ũkĩrehe rũhuho rũmakuĩire nyama Wee nĩwe Ngai ũrĩa ũninagĩra andũ ng’aragu

Nĩnjũĩ atĩ nĩwe Ngai Na ũgũtũũra ũrĩ o Ngai Ndũinainagio nĩ maũndũ Kana akaguoyohio nĩmo Ũtuĩkanagĩria nduma-inĩ Ũgĩũka kũndehere ũtheri 

Nĩnjũĩ atĩ wee noũnjĩke mega Na manene gũkĩra marĩa niĩ njũĩ Na manene gũkĩra marĩa niĩ ingĩkũhoya Ningĩ makĩrĩte marĩa niĩ ingĩhota gũiciria 

Nĩnjũĩ atĩ nĩwe Ngai Na ũgũtũũra ũrĩ o Ngai Ndũinainagio nĩ maũndũ Kana akaguoyohio nĩmo Ũtuĩkanagĩria nduma-inĩ Ũgĩũka kũndehere ũtheri 

Nĩũndũ wa rĩtwa rĩaku o rĩtwa rĩaku riiki ĩtĩkĩra njoke gwĩtwo mũhotani Njehereria thoni na ningĩ ũhumbe riri Riri ũrĩa ũhumbaga andũ arĩa metanĩtio nawe 

Nĩnjũĩ atĩ nĩwe Ngai Na ũgũtũũra ũrĩ o Ngai Ndũinainagio nĩ maũndũ Kana akaguoyohio nĩmo Ũtuĩkanagĩria nduma-inĩ Ũgĩũka kũndehere ũtheri 

Anguaga kindayaya

Ninyonete wihitho murumu Ithagu ini ria mwene hinya Naguo thayu ukaiyura ngoro ini Thayu wa Ngai munyumbi 

Mathina mooka, mbara cieha Anyitaga na guoko gwake, Akangua na moko Kindayaya Ngahuruka wendo ini wake 

Andunyite kieha ndari nakio Akanjiyuria gikeno Nduma nene akamitua utheri Niundu wa ritwa riake 

Mathina mooka, mbara cieha Anyitaga na guoko gwake, Akangua na moko Kindayaya Ngahuruka wendo ini wake 

Ahotaniire gwi thu ciakwa ciothe Atatuma menye uhuruko Mirimu akamitunya uhoti Kieha akaninira  

Mathina mooka, mbara cieha Anyitaga na guoko gwake, Akangua na moko Kindayaya Ngahuruka wendo ini wake 

Irima na ithunguri niikehera Kuuma ciikaro ini ciacio No mitugi iria andugaga nayo ndiri hingo ikehera 

Mathina mooka, mbara cieha Anyitaga na guoko gwake, Akangua na moko Kindayaya Ngahuruka wendo ini wake 

Ngoro kena na ukenereruke Ngai waku niagucereire Agagutegera wendo wake Na utugi utathiraga 

Mathina mooka, mbara cieha Anyitaga na guoko gwake, Akangua na moko Kindayaya Ngahuruka wendo ini wake 

Hurutira

Mahoya maria uhoya matiuragai Ngai niamandikaga, ibukuini riake na nguona na maitho ma roho, akirihumburiai Muraika arugamite etereire Anengerwo irathimo, akureherei Menya ndugakue ngoro wimuririkane 

Hurutira mwaki wa roho ndukahorei Icinga cia witikio, utunganie Tondu nguona na maitho ma roho kiama giaku Kiharurukite, ugirio maithori Hurutira mwaki wa roho ndukahorei icinga cia witikio utunganie Tondu nguona na maitho ma roho Jesu akihumburiai Ibuku ria kiririkano agucokerio ihoya riaku 

Oriria Danieli aturirie ndu ahoei O hindi iyo noguo ngai amuiguire Agituma muraika akamurorei Nake akihingiririo ni mbutu cia riera ini Na tondu Danieli ndahoririe mwaki wa rohoi Ngai agituma Michaeli uhotani ukioneka 

Hurutira mwaki wa roho ndukahorei Icinga cia witikio, utunganie Tondu nguona na maitho ma roho kiama giaku Kiharurukite, ugirio maithori Hurutira mwaki wa roho ndukahorei icinga cia witikio utunganie Tondu nguona na maitho ma roho Jesu akihumburiai Ibuku ria kiririkano agucokerio ihoya riaku 

Hindi imwe muthamaki akiurwo ni toroi Agikioya ibuku ria kiririkano Akihumburia page iria yandikitwoi Uria Murindekai amuhonokirie Agikiona ni wega arihe wega ucio hindi iyo Murindekai akiririkanwo Ngai niegutuma mundu orwo ni toroi Nginya uhingirio ihoya ria ngoro yaku 

Hurutira mwaki wa roho ndukahorei Icinga cia witikio, utunganie Tondu nguona na maitho ma roho kiama giaku Kiharurukite, ugirio maithori Hurutira mwaki wa roho ndukahorei icinga cia witikio utunganie Tondu nguona na maitho ma roho Jesu akihumburiai Ibuku ria kiririkano agucokerio ihoya riaku 

Ngai wa Murindekai ari muoyoi, Uria urutaga andu ake, rukungu in rwa thina Ngai arokuhingura, maitho ma rohoi Wone uria irathimo ciaku ciri nyingi Ona maitho maku ma mwiri mona ta wi muhote maitho maku ma roho monage uhotani 

Hurutira mwaki wa roho ndukahorei Icinga cia witikio, utunganie Tondu nguona na maitho ma roho kiama giaku Kiharurukite, ugirio maithori Hurutira mwaki wa roho ndukahorei icinga cia witikio utunganie Tondu nguona na maitho ma roho Jesu akihumburiai Ibuku ria kiririkano agucokerio ihoya riaku 

ni Mutharabaini

Thogora wa muoyo, Thogora wa muoyo wathogorirwo nuu Na ndiari wa muoyo ini, ndiabatii gutura ndagiriire oo gukua Ni kwendwo ndendiro ngirekerwo mehia Ngikiririo waganu wakwa woothe Ingiuga ndari mwega kuu no kwihenia ni tha ndaiguiriirwo 

(Mutharaba) Ni mutharaba ini mutharabaini Niho ndarutire thayu wakwa wooothe Gikeno giakwa, thayu uyu ndinaguo Ciothe ndacirutire calvary Mutharabaini, Ni mutharabaini, Mutharabaini niho thina wakwa wothe wathiriire 

Kindu giothe kiega nikiri thogora Nikinogagirwo, nikio muoyo wakwa waitiirwo thakame Mundu utari wehia, akiambwo mutiini Mwana wa rwendo Ngai akireka akue Ingiuga ndari mwega kuu no kwihenia ni tha ndaiguiriirwo 

(Mutharaba) Ni mutharaba ini mutharabaini Niho ndarutire thayu wakwa wooothe Gikeno giakwa, thayu uyu ndinaguo Ciothe ndacirutire calvary Mutharabaini, Ni mutharabaini, Mutharabaini niho thina wakwa wothe wathiriire 

Hindi iria mugendi, Hindi iria mugendi onire mehia make Akiuria muhunjia, muhunjia wa uhoro ingigiteithika atia Muhunjia wa uhoro akioya mugendi, akimuonererai mutharabaini Ti kiyo ini giitu, ti mbeca ini ciitu ni mutharaba ini 

(Mutharaba) Ni mutharaba ini mutharabaini Niho ndarutire thayu wakwa wooothe Gikeno giakwa, thayu uyu ndinaguo Ciothe ndacirutire calvary Mutharabaini, Ni mutharabaini, Mutharabaini niho thina wakwa wothe wathiriire 

Reu ndi mugendi, Reu ndi mugendi urorete kwao Nindi namarua maria moimire mbaru ini cia mwathani Riria thakame yanyururukire, yatukana na tiri uria wanyumbire Ti kiyo ini giakwa ti mbeca ini ciakwa ni mutharaba ini 

(Mutharaba) Ni mutharaba ini mutharabaini Niho ndarutire thayu wakwa wooothe Gikeno giakwa, thayu uyu ndinaguo Ciothe ndacirutire calvary Mutharabaini, Ni mutharabaini, Mutharabaini niho thina wakwa wothe wathiriire 

Gikuo kiu akuire, Gikuo kiu akuire nigiatuiganire Ciana cia witikio, nitutuitwo agai uthamaki ini wa ithe Tutire a gucirithio ona kama gutuirwo, nitwarihiirwo riria twetikirie Ti kiyo ini giitu, ti mbeca ini ciitu ni mutharaba ini 

(Mutharaba) Ni mutharaba ini mutharabaini Niho ndarutire thayu wakwa wooothe Gikeno giakwa, thayu uyu ndinaguo Ciothe ndacirutire calvary Mutharabaini, Ni mutharabaini, Mutharabaini niho thina wakwa wothe wathiriire

Wi Mutheru - Muigai

Mwathani ugitiga arutwo aaku ndwamatigire utheri Wamatigiire roho mutheru nigetha amaikaragie Tondu onanie nindakwihokire, Na ngikwenda muno mwathi wakwa roho no anjikaragie

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Uhoro wa kwagirira na gukinyanira mbere yaku Ni ng’aragu ituire ineneheire muno ngoro thiinii Na tondu wi Ngai ndungiheneka, Niuroraga mwiri wakwa ukamenya uhuthu na uritu waguo 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Riria waneanirwo ni Ngai nigetha ukuire mundu Niwamenyaga gukua ni kuuga atia na no witikirire Niwamenyaga niukambwo muti-ini Unyararwo uhuthio na uherithio na ucirithio ta mwihia 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Ndiari ho hindi iria wahonagia itutumu na ikona Ririra weraga cionje ciukiririe ibare na ciitware Ngwitikitie ona itari ndakuona, Nitondu wa uguo ndagwitikirie nawe ndarira uthingu 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Aria makwambire mari oho riria wekaga ciama nene Ona ukiingata ndaimono ciume mundu no mareyonera No ithenya ria gukwenda magwitikie, Maniniire jesu ambwo muti-ini mohorerwo Baraba 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Wi mwega tondu ona makunyarira nduigana kwirihiria Waroririe maitho na iguru ukimathaithanirira moherwo Ucio ni wendo utanging’atika, Warihire thogora ucio munene mundu agukuhiririe 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Ukiambata ni watigire woiga wathie guthagathaga Giikaro na kiarika niukanjiyira nigetha ngahuruke Ndeithia kurugama ciiraniro ini, Nigetha wira wakwa ungikagerio Baba ngetikirika 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Na tondu niwehokekite ukirikia wira uria wahetwo Onanii no nyende kwihokeka ndikie wira uria waheire Na tondu niwoigire ndukandiga, Ona riu kindirire githithi ndikie wira ngukenie 

Nanii ndiugaga wi mutheru Ta ciumbe iria inya iri muoyo ciugaga wi mutheru Ngai Ngoro ini yakwa na meciria ini ugutura wi mutheru Ngoro ini yakwa na meciria ini ugutura wi mutheru 

Mwathani wakwa njakaniria tawa

Mwathani wakwa njakanĩria tawa Nyũmĩtwo thutha nĩ nduma nene Mbere ciĩruru ihana mahiga Kũrĩa thũ ciakwa injetereire Nĩ ndakũhoya ũrekie mũraika Ngĩkinya kũu ngore makomete Ngoro-inĩ yakwa njage ihoru 

Nyũmba ĩno yaku wakire na thĩna Ũrigicĩirio nĩ oragani Nawe wakire ũgwete kĩhoto Waragia kiugo gĩkahootana Nĩ warũire mbara yarĩ hinya Athamaki a thĩ magĩgwĩtigĩra O na kwa ngoma ũgĩĩtigĩrwo 

Gũtirĩ ũcamba ũkĩrĩte waku Gũtirĩ ũrũme ũkĩrĩte waku Njagĩte guoya nĩ kũmenya wega Nĩ nũmĩrĩire njamba ĩrĩ ũrũme O na mangĩũka mega kana moru Nganyita mega ngatooria maũru Nyunage maru ngoiga nĩ wega 

Ndakinya kũu ndakorire aira Naniĩ ngĩtuĩka o ũmwe mũira Ndakora athuri ngĩtuĩka mũthuri Ndakora ciana ngĩtuĩka mwana Korũo ũndũ ũcio ũtuĩke nduma Nĩ njũĩ wega ũcio ti wendo waku Ũcio nĩ wendo wa ũrĩa mũũru 

Ndokire gwaku ũkĩnyonia mũhaka Ũrĩa ũrigicĩirie gwaku mũciĩ Na ũgĩcooka ũkĩnyonia watho Ũrĩa ũtũraga nyũmba-inĩ yaku Nĩguo ndikaĩ kũnyita kaũru Tondũ woigire mwĩkĩ ũru wothe Ũcio nĩ mwana wa ũrĩa mũru

Rũgendo rũrũ rwakinya mũthia Nĩ njũĩ wega ngakena mũno Maitho makwa nĩ makerorera Ũrĩa nderirwo nĩ ngeyonera Irĩkanĩro ciothe nĩ ikahinga Cia andũ arĩa athingu matũũre na thayũ Ngoro-inĩ ciao ihurũkĩĩte

Ukai muone BT 135

Ukai muone uria Ngai ekaga Ukai muone Uria ngai witu ekaga riria aregocithia! 

Ukai muone Uria ngai witu ekaga riria aregocithia!

Mundu utarari igweta thi ini Riu niagite Ti itheru ni guoko kwa Ngai ma gwikite uu

Ukai muone uria Ngai ekaga Ukai muone Uria ngai witu ekaga riria aregocithia!

Thu cia muoyo BT 136

Tondu thu cia muoyo uyu wakwa ni nyingi Na itiendaga nii ngagaya muoyo Ngumeyerera ngoro yakwa muno Tondu ihumo cia muoyo nikuo ciri 

Ningurugama wega na ndihande Ndiyonere uhonokanio wa Ngai Ningurugama wega na ndihande Ndiyonere uhonokanio wa Ngai 

Tiga Jehova wari mwena wakwa Thu ciakwa cingiahobaniirie oo tena No kuma wandutire nda ya maitu Mwathani nduire ndiririrwo niwe 

Ningurugama wega na ndihande Ndiyonere uhonokanio wa Ngai Ningurugama wega na ndihande Ndiyonere uhonokanio wa Ngai 

Ngai ndukananjikare haraya Tondu thu ni cioheire muoyo wakwa Cikoiga thingatai mumunyite Tondu ndakiri na mu muteithuri 

Ningurugama wega na ndihande Ndiyonere uhonokanio wa Ngai Ningurugama wega na ndihande Ndiyonere uhonokanio wa Ngai 

Ngai wakwa we nowe mundeithuri Na gutiri ungi wa kundeithia nowe Ona ndakura nduike ndina mbui Baba ndukae kundiganiria 

Ningurugama wega na ndihande Ndiyonere uhonokanio wa Ngai Ningurugama wega na ndihande Ndiyonere uhonokanio wa Ngai 

Ndakuhoya ndukanadiganirie Hinya wakwa watua kunyihirira Ndukae kunde hingo ya ukuru Kinya kirigiriro giakwa nyone 

Ningurugama wega na ndihande Ndiyonere uhonokanio wa Ngai Ningurugama wega na ndihande Ndiyonere uhonokanio wa Ngai 

Giki kigoco BT 136

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Toria Daudi Muthamaki wa Israeli agukeneire wahotanira Israeli Riria ita riake riatoririe mbutu ya thu ciake nario ithanduku riaku Jehova rikihunduka 

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Israeli riria mari ukombo-ini Misiri ugituma Musa ndungata yaku ikamahonokie Iria itune niwa riwarituire njira Jehova makiriringa nacio thu ciao cigikiurira 

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Riria Paul na Sira maikirio korokoro ni kiugo giaku wamohorire magiikuiniira Niwakeneire kigooco kiria makugocire ugiikuruka na ugiathana marekererio 

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Ota uria Miriamu atongoririe Israeli agikugoca ni mawiko maku ma uhoti Nitwakugoca tuoete moko maitu na iguru tukiugiriria tugukunguyie we munene wa ita 

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Nie ninyonete ati nama we wi mwihokeki na wiyuritwo ni tha na wendo na wi mutugi Riria ngutura reke kanua gakwa kagocane unene waku na riri waku tene na tene 

Giki kigooco, giki kigooco kiria wagocirwo nakio ni Daudi nikio ndirakurehera Baba utugi waku uria nyonete nama nimunene nikio ndiraina “uroneneha uroneneha!” 

Ngai uria turenda BT 146

Ngai nĩ tũmenyete hinya waku Jehova nĩ tuonete ũhoti waku Mwathani nĩ ũgegetie ngoro citũ Wee nĩwe Ngai ũrĩa tũrenda 

Iria inene rĩakuonire rĩkĩũra Jorodani yakũigua ĩgĩcoka thuutha Waragĩria ihiga rĩkoima maĩ Andũ aku makanyua Wee nĩwe Ngai ũrĩa tũrenda 

Nĩwe warĩ na Hagari werũ-inĩ Agĩkũrĩrĩra mwana ndagakue Wĩ mũtuthũri wa ithima werũ-inĩ Wee nĩwe Ngai ũrĩa tũrenda 

Elijah erire andũ cagũrai Akorwo ni Bali tũmĩtungate Na akorwo nĩ Jehova tũmũgoce Wee nĩwe Ngai ũrĩa twathura 

Phiraũni akinyĩra Isiraeli Jehova wonanirie ũhoti waku Mũthondeki njĩra nyũmũ iria-inĩ Wee nĩwe Ngai ũrĩa tũrenda 

Mĩaka mĩrongo ĩna Isiraeli marĩ werũ-inĩ Nguo itiatwĩkire na iratũ ciao itiatarũkire Mũhumbani riri, mũthakaria mĩtĩ ya mũtitũ Wee nĩwe Ngai ũrĩa tũrenda 

Ni Jehova urathamaka BT 146

Tũtitũũragio nĩ maũndũ Marĩa tuonaga na maitho Arĩa athingu matũũraga Nĩ tondũ wa gwĩtĩkia Ngai 

Arĩa arwaru rĩu nĩ moige nĩ ahonu Arĩa athĩni rĩu nĩ moige nĩ atongu Arĩa marũndĩtwo mauge Rĩrĩa me thĩ no ta marũgaime Tondũ nĩ Jehova ũrathamaka 

Tũtiumbũraga kũhootwo Tumbũraga tũrĩ ahotani Tũtiumbũraga gũthira Twĩtĩkĩtie gũtũũra 

Gwĩtĩkia Ngai nĩ gwatũmire Danieli araare irima-inĩ Rĩa mĩrũthi na ruciinĩ Akiumĩra arĩ o mũgima 

Jesũ ariũka erire Thoma Ũka ũhuutie irema ciakwa No gũkena nĩ arĩa metĩkagia Ũhoro wa ma ona matonete 

Wĩtĩkio nĩguo ũtũmenyithagia Maũndũ marĩa merĩgĩrĩirwo nĩma ma Na noguo ũtũmenyithagia Ona marĩa matonetwo marĩ o ho 

Tũtiumbũraga kũhootwo Tumbũraga tũrĩ ahotani Tũtiumbũraga gũthira Twĩtĩkĩtie gũtũũra 

No gukagirira BT 146

Thutha wa nduma o yothe Nĩ kũgĩaga ũtheri Kĩrĩro nĩ kĩa ũtukũ Rucinĩ gũkagĩa gĩkeno 

Ĩrai arĩa othe athingu Marigĩrĩrio mao Na mĩtũũrĩre yao No ĩkaagĩrĩra thutha-inĩ 

Mbarathi nĩ iharagĩrĩrio Nĩgetha ithiĩ mbara-inĩ No ũhootani wothe Umaga kwĩ Jehova 

Yusufu endio nĩ ariũ a nyina Misiri atuĩke ngombo Marigĩrĩrio make Atuĩkire mũnene 

Mĩrũthi yerirwo ĩrĩe Danieli ĩkĩigua guoya Tondũ nĩ aarĩ mũthingu Maitho-inĩ ma Jehova 

Nĩ ũthingu watũmire Thabina ĩhoote maaĩ Tondũ nĩ yakuuĩte Ũrĩa waarĩ mũthingu 

Kiragĩrĩriai rĩrĩa Mũkũgera ruo-inĩ Tondũ thahabu njega Ĩgeragio na mwaki 

Giki ni kiama BT 140

Maũndũ marĩa Ngai wananjĩkĩra Nĩ maingĩ ndiũĩ niĩ ingĩkũrĩha na kĩ Ndoya gĩkombe kĩa ũhonokio ngũgooce Na thathaiye rĩtwa rĩaku Ngai wakwa 

Gĩkĩ nĩ kĩama Ngũgĩĩta kĩama Na no njetereire Ngai ũningĩre kĩngĩ

Andorire rĩrĩa ndaarĩ nda ya maitũ Na rĩrĩa ndaciarwo ũkĩndirĩrĩra Ngĩkũra ngĩgimara o ũmenyereire Na nginya ũmũthĩ ndũrĩ wanogio nĩniĩ 

Warutire muoyo wakwa itomboya-inĩ Ndigarĩtie o ro hanini ndonyerere Ũkĩndũgamia wega igũrũ rĩa ihiga Na ũgĩkĩra kanua gakwa rwĩmbo rwerũ 

Ndaarĩ wa kũheo rĩu no heane Ndaarĩ wa gũteithio rĩu no ndeithanie Ndaarĩ mũkombi rĩu no ngombanĩre Ngũgĩĩta kĩama na njeterere kĩngĩ 

Kũhonokio nĩ Ngai kĩu nĩ kĩama Na gũtũũrĩrio ũthingu kĩu nĩ kĩngĩ Ndũngĩhota ngwĩtũũria na ũũgĩ waku Ũgĩĩte kĩama na weterere kĩngĩ 

Ũgima mwega wa mwĩrĩ kĩu nĩ kĩama Kũrĩa kwĩhumba wega kĩu nĩ kĩngĩ Ti kwĩmenyerera kana kĩo gĩaku Ũgĩĩte kĩama na weterere kĩngĩ 

Ni gwitikirika BT 140

Kiugo nĩ kiugaga atĩ thũmbĩ ya ũnene Ndĩtũũraga mũtwe ũmwe tene na tene Harĩa Ngai akũigĩte rũgama wega Kũrĩ ega gũgũkĩra me thutha waku 

Ti kwagĩrĩra, nĩ gwĩtĩkĩrĩka Haha ndĩ ũmũthĩ kũrĩ me thutha wakwa Kũrĩ meeriragĩria gũkinya haha Ti kwagĩrĩra, nĩ gwĩtĩkĩrĩka Ti wĩra mwega, nĩ ũtugi wa Ngai 

Arathimaga o ũrĩa enda kũrathima Akaruma ũrĩa ekwenda na ndoorio kĩũria Oigire Jakubu nĩwe wamwendire Essau akĩmũthũũra arĩ o nda ya nyina 

Ti kwagĩrĩra, nĩ gwĩtĩkĩrĩka Haha ndĩ ũmũthĩ kũrĩ me thutha wakwa Kũrĩ meeriragĩria gũkinya haha Ti kwagĩrĩra, nĩ gwĩtĩkĩrĩka Ti wĩra mwega, nĩ ũtugi wa Ngai 

Esiteri mũirĩtu waarĩ wa ndigwa Watũũraga areragĩrwo kwa mamawe Etĩkĩrĩka agĩkĩrwo thũmbĩ mũtwe Agĩtuĩka mũthamaki mũndũ wa nja 

Ti kwagĩrĩra, nĩ gwĩtĩkĩrĩka Haha ndĩ ũmũthĩ kũrĩ me thutha wakwa Kũrĩ meeriragĩria gũkinya haha Ti kwagĩrĩra, nĩ gwĩtĩkĩrĩka Ti wĩra mwega, nĩ ũtugi wa Ngai 

Ruthu aatũire athiaga thutha wa agethi Maagetha ngano akongania matigari Rĩrĩa Ngai aamũheire gwĩtĩkĩrĩka Kwĩ Boazu agĩtuĩka mwene mũgũnda 

Ti kwagĩrĩra, nĩ gwĩtĩkĩrĩka Haha ndĩ ũmũthĩ kũrĩ me thutha wakwa Kũrĩ meeriragĩria gũkinya haha Ti kwagĩrĩra, nĩ gwĩtĩkĩrĩka Ti wĩra mwega, nĩ ũtugi wa Ngai 

Rĩrĩa ũgũtheka menya kũrĩ ũrarĩra Rĩrĩa wĩna gĩkeno kwĩ wĩna ihooru Waarĩa wahũũna kũrĩ wĩna ng'aragu Weehumba wega kũrĩ mũtarũkĩre 

Ti kwagĩrĩra, nĩ gwĩtĩkĩrĩka Haha ndĩ ũmũthĩ kũrĩ me thutha wakwa Kũrĩ meeriragĩria gũkinya haha Ti kwagĩrĩra, nĩ gwĩtĩkĩrĩka Ti wĩra mwega, nĩ ũtugi wa Ngai 

Aria kiugo BT 137

Nĩ tũinamĩte ngoro Na tũkorwo nĩ hinya Nĩ ũrĩa tũthĩnĩkire Na kũgirĩka kũingĩ Thũ ciitũ cirorania Kaĩ Ngai wao ekũ Tondũ maathĩnĩka ũũ Kaĩ amatiganĩirie 

Tiga gũkira rĩngĩ Aria kiugo kĩmwe tu Ngoro ciitũ ihoorere Na cigĩe na mwĩhoko Kũrĩmenyekana atĩa Atĩ wĩ hamwe na ithuĩ Githĩ ti ũtaana waku Ũngĩreehe ngũrani 

Tarora werũ-inĩ ũyũ Tũtirĩ na gĩa kũrĩa Tũtirĩ na gĩa kũnyua Tũhaana ta Hagali Wũi nĩ tũgĩĩke atĩa Tũige ciana haraya O na maũndũ maitũ Twetereire wĩke ũndũ 

Tiga gũkira rĩngĩ Aria kiugo kĩmwe tu Ngoro ciitũ ihoorere Na cigĩe na mwĩhoko Kũrĩmenyekana atĩa Atĩ wĩ hamwe na ithuĩ Githĩ ti ũtaana waku Ũngĩreehe ngũrani 

Ũtumumu ũyũ wakwa Nĩ wa ihinda iraya ma Kuuma gũciarwo gwakwa Ndĩriragĩria o kuona Wũi niĩ ngũgĩĩka atĩa Na ti aciari meehirie Jesu mũrũ wa Daudi Ndahoya njiguĩra tha 

Tiga gũkira rĩngĩ Aria kiugo kĩmwe tu Ngoro ciitũ ihoorere Na cigĩe na mwĩhoko Kũrĩmenyekana atĩa Atĩ wĩ hamwe na ithuĩ Githĩ ti ũtaana waku Ũngĩreehe ngũrani 

Mũheani wa kĩmera O wee ũtaceragĩrwo Twakũhoya wĩke ũndũ Nguraro ici ũcihonie Ithuĩ tũtiuma haha Ũngĩaga gũtwĩrĩra Nĩ ũgũtwarana na ithuĩ Ũconorithie thũ ciitũ 

Tiga gũkira rĩngĩ Aria kiugo kĩmwe tu Ngoro ciitũ ihoorere Na cigĩe na mwĩhoko Kũrĩmenyekana atĩa Atĩ wĩ hamwe na ithuĩ Githĩ ti ũtaana waku Ũngĩreehe ngũrani 

Ciira wakwa BT 139

Ciira wakwa ũrarĩ mũtue atĩ ninũo Ndĩratuĩrĩirwo ũũru hatarĩ na tha Tiga nĩ Ngai ũraarĩ wa mwena wakwa Rũũrũ ndĩraina nama ti ruo ingaraina 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Ngoro yakwa ĩrakinyĩte Bezoali Itũũra-inĩ rĩrĩa rĩa kũũrwo nĩ hinya Guca kũna ndĩrehokeete Jehova Ndĩrarĩ wa kũringĩkĩra werũ-inĩ 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Githĩ rũng'ũrĩ-inĩ no gũkiume njũũĩ Nakuo werũ-inĩ no gũthundũke ithima Mũtumia thata githĩ no ongithie Mũthundũri wa mwĩhoko arĩ muoyo 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Mbarathi ĩhaaragĩrio mũthenya wa ita No ũhootani umaga kũrĩ Ngai Mwena wa ũmotho maragũire ngiri ng'ima Naguo wa ũrĩo maragũire ngiri ikũmi 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Jehova nĩ wa mahonokania maingĩ Wega wake ũkinyĩire njiarwa na njiarwa Guoko gwake kũhonoketie thĩna-inĩ Hinya wake ũkagegia ndũũrĩrĩ ciothe 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Ngoro yakwa ũkĩra ũgooce Jehova Gwata kĩrĩa gĩothe kĩrĩ thĩinĩ waku Na inyuĩ athingu mũmũgooce hamwe na niĩ Ngumo yake ĩhunje kũrĩ iruka ciothe 

Nĩkĩo nguoya kamweke gaka ngũgooce Amu nĩ manene marĩa ũnjĩkĩte Nĩ ũheete mwĩhoko wa kuona rũcio Ngumo na ũgooci ndacicokia kũrĩ we 

Mahiga BT 140

Ndireka mahiga maine Nĩ ngũkũgooca o rĩu ndĩna mĩhũmũ Nĩ kũmenya wega tiga nĩwe Hihi mũtũrĩre wakwa ũngĩtariĩ atĩa 

Aisiraeli moima Misiri Thutha wao kwarĩ na mbũtũ nene ma Ngai akĩringa kĩama makĩringa Miriamu akĩoya kĩhembe akĩgooca Ngai 

Ndireka mahiga maine Nĩ ngũkũgooca o rĩu ndĩna mĩhũmũ Nĩ kũmenya wega tiga nĩwe Hihi mũtũrĩre wakwa ũngĩtariĩ atĩa 

Paũlũ na Sila korokoro O na gũtariĩ atĩa gũtarĩ na mwĩhoko Makĩambararia Jehova na rwĩmbo Mĩnyororo yothe ĩgĩtuangĩka 

Ndireka mahiga maine Nĩ ngũkũgooca o rĩu ndĩna mĩhũmũ Nĩ kũmenya wega tiga nĩwe Hihi mũtũrĩre wakwa ũngĩtariĩ atĩa 

Daudi nake akĩmenya hitho ĩno Akiuga kĩũmbe gĩothe kĩrĩ na muoyo ũyũ Nĩ kĩgooce rĩtwa rĩa Jehova Nĩ tondũ nĩ ekĩte magegania maingĩ 

Ndireka mahiga maine Nĩ ngũkũgooca o rĩu ndĩna mĩhũmũ Nĩ kũmenya wega tiga nĩwe Hihi mũtũrĩre wakwa ũngĩtariĩ atĩa 

Ndũkamakio nĩ maũndũ ma thĩ O na gũtariĩ ũguo mũinĩre mwathani Tondũ aikaraga ũgooci-inĩ witũ Akeyonania agatũringĩra ciama 

Ndireka mahiga maine Nĩ ngũkũgooca o rĩu ndĩna mĩhũmũ Nĩ kũmenya wega tiga nĩwe Hihi mũtũrĩre wakwa ũngĩtariĩ atĩa 

Wikaga maundu manene BT 165

Wĩkaga maũndũ manene Wĩkaga maũndũ ma ũtugi Wĩkaga maũndũ matheru Ũkagegania na ũkamakania 

Iria inene nĩkĩĩ wonire Jorodani ũcoke na thuutha Irĩma irũgarũgage igũrũ Itũrũhage ta tũgondu Heeni na ngwa ikiraga ki Ithingithia o na marurumĩ Nĩ mũgambo wa nginyo ciaku Wĩkaga maũndũ manene 

Wĩkaga maũndũ manene Wĩkaga maũndũ ma ũtugi Wĩkaga maũndũ matheru Ũkagegania na ũkamakania 

Riiri waku ndũngĩgayana Na athamaki na Ngai ũngĩ Watuire Nebukadnezzaru Nyamũ ya gĩthaka Jehova Ndwaragia na mũgambo mũnene Ndwaragia na ngwa na marurumĩ Waragia na kamũgambo gaceke Wĩkaga maũndũ manene 

Wĩkaga maũndũ manene Wĩkaga maũndũ ma ũtugi Wĩkaga maũndũ matheru Ũkagegania na ũkamakania 

Wĩ kĩhoti na wĩ mũnene No wenyihirie ta kagondu Mũrũ wa mũndũ na ũrĩ o Ngai Wĩ mũgate ningĩ wĩ ihiga Maaĩ me muoyo na ũrĩ o mwaki Wĩ mũrũthi na wĩ kagondu Ũikaraga ngoro-inĩ yakwa Na thĩ yothe handũ yarũma 

Wĩkaga maũndũ manene Wĩkaga maũndũ ma ũtugi Wĩkaga maũndũ matheru Ũkagegania na ũkamakania

Jehovah Shammah

Nĩ ũkinyĩte mũico waku Wĩ kona-inĩ nĩ mathĩna Ũkahũũma, ũkanoga Tega gũtũ twaranĩrie Kwĩ mũiyũro wa maũndũ Wageria gũkaya ũkaremwo Waria kiugo ũkarĩra Rũgama tu ũmweterere 

Etagwo Jehova Shammah Maitho make macangaga Magĩcaria arĩa athingu Egoocithie akĩmarũĩra 

Tiga kuona ta wĩ wiki O na gũtirĩ ũgwĩciragia Menya atĩ wee wĩ bata kwĩ nyoni Na nĩ aciũĩ na marĩtwa No waage mahiũ kiugũ-inĩ Na mĩthabibũ yaage maciaro Arahũka ũmwambararie Tondũ ndũrĩ ũratuĩkana 

Etagwo Jehova Shammah Maitho make macangaga Magĩcaria arĩa athingu Egoocithie akĩmarũĩra 

Kirĩrĩria ndũkamake Wĩhe hinya rũgendo-inĩ No nginya ũngĩtoorania Wĩ na mũkũrũĩrĩri Na gũtirĩ mũtĩ wa mbaara Ũthondeketwo gũkũnina Ũgatheerema wĩra-inĩ waguo Rũgama tu ũmweterere 

Etagwo Jehova Shammah Maitho make macangaga Magĩcaria arĩa athingu Egoocithie akĩmarũĩra 

Nowe tu anja yaku Etagwo kĩhoti Jehova ndũire Jehova Jire, Jehova Shammah Jehova Nissi, Jehova Rumi Jehova Rapha, Adonai Jehova Shalom thayũ waku Hoya na nĩ ũkũheo Kaya na nĩ egũkũigua 

Etagwo Jehova Shammah Maitho make macangaga Magĩcaria arĩa athingu Egoocithie akĩmarũĩra

Ninguraha BT 140

Nĩ ngũraha marĩa mothe ũnjĩkĩire Kĩũngano-inĩ kĩa atheru ngĩkũgooca Ndĩmeere atĩ tiga nĩwe ndingĩraina Ngoma ehĩtĩte rũũrũ ndingĩtooria 

Nĩ ngũrũgarũga ngĩmũinĩra Jesu Tondũ nĩ anjĩkĩire magegania Gũtirĩ ũremaga mũrũthi wa Judah Nĩkĩo ngũmũinĩra na gĩkeno 

Ndanagerera mũkuru wa mathĩna Andũ aitũ na arata makandiganĩria Ndũrĩ wandirika tũkoragwo nawe Nĩkĩo ndingĩigua thoni gũkwambararia 

Nĩ ngũrũgarũga ngĩmũinĩra Jesu Tondũ nĩ anjĩkĩire magegania Gũtirĩ ũremaga mũrũthi wa Judah Nĩkĩo ngũmũinĩra na gĩkeno 

Ndaririkana kũrĩa wee ũndutĩte Ngoro yakwa ĩkarurumũka na ũgooci Nĩ kũmenya wega kũrĩa wanangũũra Thũ ciakwa ũkahurunja na mĩena yothe 

Nĩ ngũrũgarũga ngĩmũinĩra Jesu Tondũ nĩ anjĩkĩire magegania Gũtirĩ ũremaga mũrũthi wa Judah Nĩkĩo ngũmũinĩra na gĩkeno 

Ũngitĩire mĩena yothe ndakũgooca Ũkaahonia mĩrimũ ndakũgooca Ũkanjararamĩria mĩhaka yakwa Ndoya moko na igũrũ ngĩkũgooca 

Nĩ ngũrũgarũga ngĩmũinĩra Jesu Tondũ nĩ anjĩkĩire magegania Gũtirĩ ũremaga mũrũthi wa Judah Nĩkĩo ngũmũinĩra na gĩkeno

Gutanatuka BT 135

Jehova ndũire, njamba ĩ hinya Wee ũtagayanaga ũgooci na mũndũ Wĩkaga maũndũ me ngumo nene Na mangĩ matarĩ na no wĩra waku Kuona wee ndũtuagwo Ngai Nĩ mũrurumo wa ngumo yamo Ningĩ gũtirĩ o na ũmwe wa macio Wĩkaga ũngĩĩkũo nĩ mũndũ Tondũ wĩ Ngai, rĩrĩa wĩkĩte Maũndũ me ngumo ona macio matarĩ Nĩguo rĩtwa rĩaku O rĩtwa rĩaku Rĩtũũre rĩgoocagwo 

Ngũkũgooca o rĩu kũrĩ kĩroko Ngai gũtanatuka Ngwambararie o na ningĩ ngũgaathĩrĩrie O ũrĩa niĩ ngũũĩ Tondũ gwatuka Harĩa ndĩkoma Kũu gũtirĩ ũmenyo kana ũgĩ Ningĩ gũtirĩ na ũgooci ũkoragũo kuo 

Wee wĩyonanagia Na njĩra mwanya mwanya mũtũrĩre-inĩ Ũtũtuĩkagĩra o kĩrĩa mũndũ wa thĩ atangĩtuĩka Nĩngĩ wee ũtũheaga o kĩrĩa tũbatiĩ mũno Kuona nĩ ũtũũĩ Na wee ndwĩkaga mawĩko ma ũtugi wĩganithie Tondũ wĩ mwega, mahinda mothe Nakuo gwĩka wega nĩ mũtugo waku Nĩguo rĩtwa rĩaku O rĩtwa rĩaku Rĩtũũre rĩgoocagwo 

Ngũkũgooca o rĩu kũrĩ kĩroko Ngai gũtanatuka Ngwambararie o na ningĩ ngũgaathĩrĩrie O ũrĩa niĩ ngũũĩ Tondũ gwatuka Harĩa ndĩkoma Kũu gũtirĩ ũmenyo kana ũgĩ Ningĩ gũtirĩ na ũgooci ũkoragũo kuo 

Wombire indo ciothe Na ũndũ waku nĩ getha Ituĩke ciaku Nĩ wee twĩhokagĩra O kĩrĩa ũngĩenda O ihinda rĩrĩa ũngĩenda No tũtingĩruta ũrũme tũkũrandũre Kuona ti thiirĩ Ningĩ ona nyingĩ cia indo Iria Ithuĩ tũrĩ nacio Ti iria twanetia No wendi waku, Ngai wa muoyo Ũrotũũra ũhingaga thĩ ĩno nginya igũrũ Nĩguo rĩtwa rĩaku O rĩtwa rĩaku Rĩtũũre rĩgoocagwo 

Ngũkũgooca o rĩu kũrĩ kĩroko Ngai gũtanatuka Ngwambararie o na ningĩ ngũgaathĩrĩrie O ũrĩa niĩ ngũũĩ Tondũ gwatuka Harĩa ndĩkoma Kũu gũtirĩ ũmenyo kana ũgĩ Ningĩ gũtirĩ na ũgooci ũkoragũo kuo 

Rĩu ũtugi waku nĩ ũtũkinyĩrĩire Na njĩra mwanya mwanya ithuĩ nĩtũkũũĩ Na gũtirĩ o na ũmwe ũngĩruta Ũira wa ma Oige atĩ ndakũũĩ Tondũ ona korwo wee wanatĩra Gwĩka ũrĩa ithuĩ twĩrirĩirie Nĩ ũtũtwĩkĩire mũtũhonokia Na mũno ũgatũhe mĩhũmũ ya muoyo Na ũguo wiki Ũguo nĩ kũiganu ithuĩ tũkũgooce 

Ngũkũgooca o rĩu kũrĩ kĩroko Ngai gũtanatuka Ngwambararie o na ningĩ ngũgaathĩrĩrie O ũrĩa niĩ ngũũĩ Tondũ gwatuka Harĩa ndĩkoma Kũu gũtirĩ ũmenyo kana ũgĩ Ningĩ gũtirĩ na ũgooci ũkoragũo kuo