Githima kia ma BT 145

Guca Ngai niĩ njĩtĩkĩtie-ĩ Nĩ ngakwĩyonera na maitho makwa Ndĩ bũrũri wa arĩa me muoyo-ĩ Ngoro yakwa ĩngĩrĩ kũhoteka No nĩ ngũkũgooca na ngũtũgĩrie-ĩ Wee Jehovah rũirigo rwakwa-ĩ Mũrũi mbara yakwa ona itarĩ ho-ĩ Mũndeteri ũtendaga ihaki 

Ngai we Ngai, Ngai wakwa-ĩ Mwĩhoko na kĩrĩgĩrĩro-ĩ Gĩthima kĩa ma na kĩa muoyo-ĩ Tũũra ũnyotorete ngoro ĩno 

Ndĩ ũndũ ũmwe nyendete harĩ we-ĩ Na nĩguo niĩ ndĩthingataga Na nĩ atĩ njikare nyũmba-inĩ yaku-ĩ Matukũ mothe ma muoyo wakwa Ndĩtũũrĩre o hema-inĩ yaku-ĩ Ngenagĩre irathimo ciaku-ĩ Iria itaumagwo thuutha nĩ kĩeha-ĩ Nyinage rwĩmbo rwaku ngakena

Ngai we Ngai, Ngai wakwa-ĩ Mwĩhoko na kĩrĩgĩrĩro-ĩ Gĩthima kĩa ma na kĩa muoyo-ĩ Tũũra ũnyotorete ngoro ĩno 

Ona mangiuga atĩ gũtirĩ-ĩ Nĩnjũĩ wīkuo na wĩ muoyo Wee ũtũmaga gũkĩe na gũtuke-ĩ Ũgatũma kware na kuure mbura Mũhei rũũtha riũa rĩrathe-ĩ Mũtemi njĩra kũrĩa gũtarĩ-ĩ Mũhatũri wa arĩa othe ahatu-ĩ Ngai mwene hinya na ũhoti 

Ngai we Ngai, Ngai wakwa-ĩ Mwĩhoko na kĩrĩgĩrĩro-ĩ Gĩthima kĩa ma na kĩa muoyo-ĩ Tũũra ũnyotorete ngoro ĩno 

Ingĩmenya kĩrĩa kĩngĩtũma-ĩ Niĩ na we Ngai tũtigane Niĩ Ngai no ndĩgĩtigire-ĩ Ona ndĩkĩendete ndĩkĩrekie Njũre ihenya ngĩũrĩra mehia-ĩ Na we ũhe ngoro yakwa hinya-ĩ Ndĩtiirie magerio ma thĩ ĩno-ĩ Ndingĩenda kũigua no njage muoyo 

Ngai we Ngai, Ngai wakwa-ĩ Mwĩhoko na kĩrĩgĩrĩro-ĩ Gĩthima kĩa ma na kĩa muoyo-ĩ Tũũra ũnyotorete ngoro ĩno