Muthenya Murathime

Uyu ni muthenya mweru, muthenya munene Gutiri mundu wanawona, oo tiga wee Ngai wiki Nikio ndauneana, moko ini maku Ngai Oo riu itanoimagara, ndahoya undathimire 

Ndarathira muthenya uyu, ndoiga ni murathime Mihang’o yakwa yothe, no irigacira Ngiumagara na ngicoka njuge ndi murathime  Ndatherithia muthenya uyu, ndoiga ni murathime. 

Ndigwitikira kwiroga, na ciugo cia kanua gakwa Tondu rurimi niruri, hinya wa muoyo na gikuo Ngwirathira maundu meega, njuge ndimurathime Ngiumagara na ngicoka, njuge ndi murathime 

Ndahoya utongorie, makinya ma maguru makwa Undongorie kuria kuri irathimo ciakwa Namo meciria makwa, baba umerekerie Nakuria kuri irathimo ciakwa, ndinde ndi murathime 

Nderathira irathimo, nderathira gikeno, Ona aria ndicemania nao, ni andu aria a ngoro njega Ndukareke njemanie na andu aria a kiunuhu Matigathukirie muthenya, reke ndinde ndi murathime