Uria uhithitwo uhithoini wa Ngai uria wi iguru, ucio utuite Murungu ndumba ya ihiga akehitha ho, ucio utuite Ngai ihonokero, maya nimo maundu maria Ngai wake amwirire
Kuona ni anyititie wendo hari nie na nie ngamwenda, undu ucio wika tu niuritumaga ndimuhonokie, aringayagira ndamwitika, agua hatikaini nindi mwonagira miaramano
Rungu rwa mathagu makwa niho ndirimuhithaga uhoro wakwa uture uria ngo yake umugitagire, angikagwa ndikareka oinike, ndikarekereria muyo wake urire kwa ngoma
Ndagetigira itebebia riria ri nguuka na utuku kana mutino uria ukoragirira mundu miaraho nie ninie ngatuika Ngai wake nake atuike wakwa ndimukumagire andu a kiunuhu
Gukua ndegukua ni ngumuturia onginya akaigania niguo ature akumagia mawiko makwa ma uhoti na ona angigakura age megutha, no ngamuonagira gia kuria ndimuturie na thayu
Nao aria aganu magwata kuheo magai mao, ucio muthingu no kumerorera akamerorera makigwao nao ni ngaragu ucio muthingu no gukena ni kuhunio ni Ngai
Ota muti uria uhanditwo hugururuini cia rui, ota mutarakwa uria wa lebanoni kurungara niguo mundu muthingu agaikara ona e mukuru no agaciaraga maciaro me cama
No comments:
Post a Comment